Fire Break out : বিধ্বংসী অগ্নিকাণ্ডত ছাই হ’ল কেইবাখনো ব্যৱসায়িক প্ৰতিষ্ঠান

ডিফু, 29 অক্টোবৰ: দেওবাৰে পুৱতি নিশা হাওৰাঘাটত এক বিধ্বংসী অগ্নিকাণ্ডৰ ফলত নিমিষতে ছাৰখাৰ হ'ল হাওৰাঘাট বজাৰৰ কেবাখনো ব্যৱসায়িক প্ৰতিষ্ঠান ৷ প্ৰাপ্ত খবৰ অনুসৰি দেওবাৰে পুৱতি নিশা প্ৰায় 2.15 বজাত হাওৰাঘাট বজাৰৰ এখন মদৰ দোকানত সংঘটিত হয় ভয়ংকৰ অগ্নিকাণ্ডটো ৷ এই জুইৰ লেলিহান শিখাই গ্ৰাস কৰি পেলায় সমীপৰ প্ৰায় 5/6 খন ব্যৱসায়িক প্ৰতিষ্ঠান ৷ 

এই অগ্নিকাণ্ডৰ ফলত এখন গেলামালৰ দোকান আৰু গুদামত বিস্তৰ ক্ষতি সাধন হয় ৷ ইয়াৰোপৰি বাকী দোকান-পোহাৰো ক্ষতিগ্ৰস্ত হয় বুলি জানিব পৰা গৈছে ৷ অগ্নিকাণ্ডৰ খবৰ লাভ কৰাৰ পাচতে অগ্নি নিৰ্বাপক বাহিনীৰ লোক ঘটনাস্থলীত উপস্থিত হৈ জুই নুমুৱাবলৈ সক্ষম হয় ৷ ফলত এই জুই অইন ঠাইলৈ সম্প্ৰসাৰিত হোৱাৰ পৰা ৰক্ষা পৰে ৷ এই অগ্নিকাণ্ডৰ ফলত প্ৰায় এক কোটিৰো অধিক টকাৰ সা সামগ্ৰী জ্বলি ভস্মীভূত হয় । 

বৈদ্যুতিক শ্বৰ্ট চাৰ্কিটৰ বাবেই এই অগ্নিকাণ্ড সংঘটিত হোৱাৰ সন্দেহ প্ৰকাশ কৰিছে স্থানীয় লোকে ৷

লগতে পঢ়ক:Blast in Kerala : কেৰালাৰ সন্মিলন কেন্দ্ৰত বিস্ফোৰণ, এজন লোক নিহত