বৰপথাৰৰ দুৱৰণীত নিশা অগ্নিকাণ্ডৰ ঘটনা

সৰুপথাৰ, 2 ডিচেম্বৰ :শুকুৰবাৰে সন্ধিয়া ধনশিৰি মহকুমাৰ বৰপথাৰৰ দুৱৰণীত অগ্নিকাণ্ডৰ ঘটনা । মহাবীৰ কুমাৰ নামৰ এজন লোকৰ বাসগৃহত জুইৰ সূত্ৰপাত হয় ৷ কি কাৰণে জুইৰ সূত্ৰপাত হ’ল সেয়া বৰ্তমানেও জানিব পৰা হোৱা নাই ৷ এই অগ্নিকাণ্ডৰ ফলত লক্ষাধিক টকাৰ সম্পত্তি ভস্মীভূত হোৱা বুলি জানিব পৰা গৈছে ৷ আনহাতে, ঘটনাস্থলীত অগ্নিনিবাৰ্পক বাহিনীৰ লোক উপস্থিত হোৱাৰ পূৰ্বে ঘৰটো সম্পূৰ্ণৰূপে ভস্মীভূত হয় ৷

ভুক্তভোগী পৰিয়ালৰ সদস্যই কয়, ‘‘আমি পাকঘৰত চাহ খাই আছিলো ৷ তেনে সময়তে জুই জ্বলি উঠে ৷ কি কাৰণে জুইৰ সূত্ৰপাত হ’ল আমিও গমেই নাপালোঁ ৷ জুই জ্বলা দেখি স্থানীয় ৰাইজ গোট খালে ৷ ইফালে ৰাইজে জুই নুমুৱাৰ চেষ্টা কৰিছিল ৷ কিন্তু জুই নিৰ্বাপিত নহ’ল ৷’’ পাচত অগ্নিনিৰ্বাপক বাহিনীৰ লোক উপস্থিত হৈ জুই নিৰ্বাপন কৰে ৷

লগতে পঢ়ক :কেবাটাও জীৱন শেষ হৈ যোৱাৰ পাচতো এখন দলং নিদিলে চৰকাৰে