Rudrakanya Theatre’s Gallery collapse : ৰুদ্ৰকন্যা থিয়েটাৰৰ গেলেৰি ভাঙি আহত শিশুসহ মুঠ 17 জন - গেলাৰি ভাগি মাতিত পৰিল দৰ্শক

সৰুপথাৰ, 28 অক্টোবৰ :শুক্ৰবাৰে নিশা ধনশিৰি মহকুমাৰ চুঙাজানত সৃষ্টি হয় এক উত্তপ্ত পৰিস্থিতি । চুঙাজান অঞ্চলৰ শান্তিপুৰ গাঁৱৰ খেলপথাৰত ৰুদ্ৰকন্যা নামৰ এখন থিয়েটাৰ উপভোগ কৰি থাকোতেই গেলেৰি ভাগি মাতিত পৰিল দৰ্শক । ফলত শিশুসহ মুঠ 17 জন আহত হয় ৷ আহত আটাইকেইজনকে নিশাই সৰুপথাৰৰ সামূহিক চিকিৎসা কেন্দ্ৰত ভৰ্তি কৰোৱা হয় ৷ আহত শিশুৰ ভিতৰত 6 বছৰীয়া এজন, 8 বছৰীয়া এজন, 10 বছৰীয়া দুজন, 13 বছৰীয়া এজন আছিল ।

উল্লেখ্য যে, শুকুৰবাৰে নিশা চলি আছিল থিয়েটাৰ ৰুদ্ৰকন্যাৰ সন্ধ্যাতৰা নামৰ নাটখন ৷ এই নাটখন উপভোগ কৰিবলৈ আহিছিল বহু দৰ্শক ৷ কেৱল মাত্ৰ পইচাৰ লোভতে পৰিচালনা সমিতিয়ে জোখতকৈ বেছি দৰ্শক বহাইছিল থিয়েটাৰৰ গেলেৰিত ৷ ফলত দৰ্শকৰ ভৰত ভাঙি পৰে থিয়েটাৰৰ গেলেৰি ৷

এই ঘটনাক কেন্দ্ৰ কৰি‌ নিশাই ঘটনাস্থলীত উত্তপ্ত পৰিস্থিতিৰ সৃষ্টি হয় ৷ আনকি ঘটনাস্থলীত নিশাই মোতায়েন কৰা হয় আৰক্ষী আৰু চি আৰ পি এফ বাহিনীৰ লোকক ।

লগতে পঢ়ক :Tense situation in Goalpara : হাডুডু খেলক কেন্দ্ৰ কৰি গোৱালপাৰা জলেশ্বৰত উত্তপ্ত পৰিস্থিতি