Road accident at Tingkhong : মুখ্যমন্ত্ৰীৰ সভাৰ পাচতেই টিংখাঙত ভয়ংকৰ পথ দুৰ্ঘটনা

টিংখাঙত শোকাৱহ পথ দুৰ্ঘটনা (Road accident at Tingkhong)। মুখ্যমন্ত্ৰীৰ সভালৈ আহি উভতি যোৱাৰ পথত নিয়ন্ত্ৰণ হেৰুৱাই দ খালত পৰিল এখন বলেৰ’ পিক আপ ভান । ফলত বাহনখনত থকা ফিলনা কুমসিং, চিমচন জাতাৰমা, অৰূপ তিনিকুৰীয়া, ইচৰেল জাতাৰমা, শান্তি কুমসিং, চুমন জাতাৰমা নামৰ 6 গৰাকী লোক আঘাতপ্ৰাপ্ত হয় (Six injured in a road accident at Tingkhong)। ইয়াৰে 5 জনৰ অৱস্থা গুৰুতৰ বুলি জানিব পৰা গৈছে । উল্লেখ্য যে, শনিবাৰে টিংখাঙৰ কুঁৱৰীগাঁৱত আয়োজন কৰা হৈছিল মুখ্যমন্ত্ৰী ড৹ হিমন্ত বিশ্ব শৰ্মাৰ এক বিশাল ৰাজহুৱা সভা ৷ এই সভাত অংশগ্ৰহনৰ উদ্দেশ্যে AS-06-BC-8218 নামৰ বলেৰ’ পিকআপ ভানত অহা লোকসকল দুৰ্ঘটনাত পতিত হয় । এই দুৰ্ঘটনাত আঘাতপ্ৰাপ্ত আটাইকেইজন টিংখাঙৰ মাহমৰা শিলগ্ৰান্টৰ বুলি জানিব পৰা গৈছে । ইফালে আহতসকলক ততাতৈয়াকৈ স্থানীয় নাহৰনি প্ৰাথমিক স্বাস্থ্য কেন্দ্ৰত প্ৰাথমিক চিকিৎসা প্ৰদান কৰাৰ পাচত উন্নত চিকিৎসাৰ বাবে ডিব্ৰুগড় অসম চিকিৎসা মহাবিদ্যালয়লৈ প্ৰেৰণ কৰা হৈছে ।