আলফা (স্বাঃ)ৰ সমৰ্থনত ফেচবুক পোষ্ট দি গ্ৰেপ্তাৰ এজন যুৱক

বাক্সা, 24 ডিচেম্বৰ :শেহতীয়াকৈ অসমৰ তিনি স্থানত সংঘটিত হোৱা গ্ৰেণেড বিস্ফোৰণ হোৱাৰ পৰিপ্ৰেক্ষিতত অসমত আৰক্ষীয়ে ৰাজ্যৰ ভিন্ন স্থানৰ পৰা আলফা (স্বাধীন) ৰ লগত যোগসূত্ৰ থকাৰ অভিযোগত সামাজিক মাধ্যমত কঠোৰভাৱে নিৰীক্ষণ কৰি আছে ৷ ইয়াৰ মাজতে দেওবাৰে আলফা(স্বাঃ) ৰ সমৰ্থনত ফেচবুক কমেণ্টত পোষ্ট দি তামুলপুৰত গ্ৰেপ্তাৰ হ’ল এজন যুৱক। 

নিষিদ্ধ ঘোষিত সংগঠনত যোগদান কৰাৰ ইচ্ছা প্ৰকাশ কৰিছিল যুৱকগৰাকীয়ে ।  গ্ৰেপ্তাৰ হোৱা যুৱকগৰাকীৰ নাম বিজুমণি ৰাভা বুলি জানিব পৰা গৈছে । ইয়াৰ পিচতে তামুলপুৰ আৰক্ষীয়ে ধৃত যুৱকজনৰ বিৰুদ্ধে 294/23 U/S 121A I.P.C R/W Section 13(2) UA(P) Act গোচৰ ৰুজু কৰি তদন্ত আৰম্ভ কৰিছে ।

আৰক্ষীৰ সূত্ৰৰ পৰা জানিব পৰামতে যুৱকগৰাকীয়ে ফোনত আলফা (স্বাঃ) ৰ সৈতে যোগাযোগ ৰখাৰ তথ্য লাভ কৰিছে আৰক্ষীয়ে । ইতিমধ্যে আৰক্ষীয়ে অধিক তথ্যৰ বাবে তিনিদিনৰ বাবে তামুলপুৰ আৰক্ষীয়ে জিম্মাত লৈছে যুৱকগৰাকীক।

লগতে পঢ়ক:গুৱাহাটীৰ যান-জঁটৰ সমস্যা সমাধানৰ কম্প্ৰিহেনছিভ ম’বিলিটী প্লেন ধোঁৱাচাঙত