খোৱাঙত দুস্কৃতিকাৰীয়ে আহত কৰিলে দুষ্প্ৰাপ্য বৰটোকোলা

মৰাণ,৯ জানুৱাৰী: ক্ৰমাৎ দুষ্প্ৰাপ্য হৈ পৰিছে বৰটোকোলা । দুষ্প্ৰাপ্য বৰটোকোলা সংৰক্ষণৰ বাবে প্ৰকৃতিপ্ৰেমীসকলে বিভিন্ন সজাগতামূলক কাৰ্যসূচী ৰূপায়ণ কৰি আহিছে । ইয়াৰ মাজতে মৰাণৰ খোৱাঙত দুস্কৃতিকাৰীৰ আক্ৰমণত আহত এটা দুষ্প্ৰাপ্য বৰটোকোলা । খোৱাং ঘাটৰ এটা পথৰ কাষত আহত অৱস্থাত পৰি থকা বৰটোকোলাটো ৰাইজে উদ্ধাৰ কৰি চমজাই দিয়ে খোৱাং আৰক্ষী থানাত ।  

পিছত খোৱাং আঞ্চলিক বন বিভাগৰ এটা দল আহি আহত বৰটোকোলাটো খোৱাং ৰাজ্যিক পশু চিকিৎসালয়ত চিকিৎসা প্ৰদান কৰি বন বিভাগৰ কাৰ্যালয়লৈ লৈ যায় । বন বিভাগৰ লোকে জানিবলৈ দিয়া মতে আহত বৰটোকোলাটো শুশ্ৰূষাৰ বাবে মৰাণৰ প্ৰকৃতিপ্ৰেমী ভৰত বৰাক চমজাই দিয়া হ'ব বুলি জনাই বন বিভাগে । ইফালে দুস্কৃতিকাৰীয়ে দুষ্প্ৰাপ্য বন্যপ্ৰাণীটোক আহত কৰা কাৰ্যক ৰাইজে ধিক্কাৰ জনাইছে । 

লগতে পঢ়ক:উত্তৰ কাছাৰ পাৰ্বত্য স্বায়ত্বশাসিত পৰিষদৰ নিৰ্বাচন সুকলমে সম্পন্ন