Kaliabor theft incident: বাৰে বাৰে চুৰি হয় এখন দোকানত;কিন্তু আৰক্ষীয়ে আজিলৈকে নাপালে চোৰৰ সন্ধান!
Published : Sep 16, 2023, 7:36 PM IST
কলিয়াবৰ, 16 ছেপ্টেম্বৰ :কলিয়াবৰত বিস্কুট খাই ভাল পোৱা চোৰৰ উপদ্ৰৱ ৷ বাৰে বাৰে চোৰ হয় এই দোকানখনত ৷ কিন্তু মন কৰিবলগীয়া যে ওচৰতে থকা এখনো দোকানত কিন্তু হোৱা নাই চুৰিকাণ্ড ৷ সেই কথাকে ভাবি পাৰ পোৱা নাই দোকানৰ মালিকে ৷ কলিয়াবৰৰ কুঠৰীত সংঘটিত হৈছে চুৰিকাণ্ডৰ ঘটনা ৷
নিশা কুঠৰী তিনিআলিৰ এখন দোকানত চোৰে চলালে চাফাই অভিযান ৷ বেৰ কাটি দোকানৰ ভিতৰত প্ৰৱেশ কৰি বিস্কুট, পানী, আপেল, আঙুৰ খাই লৈ গ’ল বহু হাজাৰ টকাৰ সামগ্ৰী । জানিব পৰা মতে, কলিয়াবৰৰ বাগৰি আৰক্ষী চকীৰ অন্তৰ্গত কুঠৰীত যোৱা নিশা চলিল চোৰৰ চাফাই অভিযান ।
বেৰ কাটি চোৰে নিলে সামগ্ৰী, খাই থৈ গ’ল বিস্কুট, পানী, আপেল, আঙুৰ । ইতিমধ্যে এই পান দোকানখনত চুৰি হোৱা সংক্ৰান্তত বাগৰি আৰক্ষী চকীত দোকানৰগৰাকীয়ে দিছে এজাহাৰ । বাগৰি আৰক্ষী ঘটনাস্থলীত উপস্থিত হৈ ইতিমধ্যে চোৰৰ সন্ধানত চলাইছে অভিযান । মন কৰিবলগীয়া কথা যে কুঠৰী তিনিআলিৰ এই পান দোকানখনত পূৰ্বেও কেইবাবাৰো চুৰিকাণ্ড সংঘটিত হৈছে ৷ কিন্তু কাষৰ এখনো দোকানত এবাৰো চুৰিকাণ্ড হোৱা নাই বুলি জানিবলৈ দিছে ভুক্তভোগীগৰাকীয়ে ।
লগতে পঢ়ক :Theft Incident: দিন দুপৰতে চুৰি কৰিবলৈ আহি ৰাইজৰ ৰোষত চোৰ