কলগাছিয়াত পথৰ দাঁতিত বাগৰিল বালি ভৰ্তি ডাম্পাৰ
Dumper accident :কলগাছিয়াত পথৰ দাতিত বাগৰিল বালি ভৰ্তি ডাম্পাৰ - পথৰ দাতিত বাগৰিল বালি ভৰ্তি ডাম্পাৰ
জনীয়া,12 জুন: কলগাছিয়াত পুনৰ ডাম্পাৰ দুৰ্ঘটনা । বিগত 10 দিনত দুটাকৈ সংগঠিত হ’ল ডাম্পাৰ দুৰ্ঘটনা । উল্লেখযোগ্য যে দিনে নিশাই অবৈধ মাটি, বালি কঢ়িওৱা ডাম্পাৰৰ দৌৰাত্মত অতিষ্ঠ হৈ পৰিছে ৰাইজ । ডাম্পাৰৰ দৌৰাত্মৰ বাবেই সঘনাই সংঘটিত হৈ আহিছে পথ দুৰ্ঘটনা । দেওবাৰে নিশা লোক নিৰ্মাণ বিভাগৰ বালি কঢ়িওৱা AS-15 C-9662 নম্বৰৰ ডাম্পাৰ খন নিয়ন্ত্ৰণ হেৰুৱাই পথৰ দাতিত বাগৰি পৰে ৷ কলগাছিয়াৰ গুনিয়ালগুৰি পকী দলঙৰ সমীপত সংঘটিত হয় এই দুৰ্ঘটনা । এই দুৰ্ঘটনাত কথমপি প্ৰাণ ৰক্ষা পৰে ডাম্পাৰ চালকজনৰ ৷ ইফালে স্থানীয় ৰাইজৰ সহযোগত ডাম্পাৰ চালকজনক উদ্ধাৰ কৰি উন্নত চিকিৎসাৰ বাবে বৰপেটা অসামৰিক চিকিৎসালয়লৈ প্ৰেৰণ কৰা হয় ৷