Bag stancher arrested: ধুবুৰীত ইৰাণী গোটৰ সদস্যক গ্ৰেপ্তাৰ - Irani group member arrested
ধুবুৰী, ১১ আগষ্ট:বিগত কেইবাদিনো ধৰি ধুবুৰীত বৃদ্ধি পাই আহিছে চুৰি আৰু লুট-পাতৰ ঘটনা । দুদিনমান পূৰ্বে এখন মটৰ চাইকেলৰৰ পৰা চোৰে চাৰে ৯ লাখ টকা লুটি নিয়া ঘটনাৰ মাৰ নৌযাওঁতেই বৃহস্পতিবাৰে পুনৰ তেনে এক ঘটনা সংঘটিত হয় ধুবুৰীত । এইবাৰ এজন বৃদ্ধ লোকৰ পৰা থপিয়াই নিলে ৫০ হাজাৰ টকা ।
ধুবুৰী চহৰৰ ১ নং ৱাৰ্ডত অৱস্থিত এছ বি আই বেংকৰ ধুবুৰীৰ মুখ্য শাখাৰ পৰা এইজন বৃদ্ধ ব্যক্তিয়ে পঞ্চাশ হাজাৰ টকা উঠাইছিল । তেনে সময়তে সুযোগ বুজি উত্তৰ প্ৰদেশৰ ইৰাণী গ্রুপৰ দুধৰ্ষ সদস্যই বৃদ্ধগৰাকীৰ পৰা থপিয়াই নিয়ে ৫০হাজাৰ টকা ।
এগৰাকী বৃদ্ধাৰ পৰা ৫০ হাজাৰ টকা কাঢ়ি নি পলাই যোৱাৰ সময়তেই আটক এজন ইৰাণী দলৰ সদস্য । টকা লুট কৰি লগে লগে টকা খিনি ইৰাণী দলৰ আন এজন সদস্যক টকাখিনি দি পলাই যোৱাৰ সময়েই আৰক্ষীৰ ৰাইডাৰ গ্ৰুপে আটক কৰে ইৰাণী সদস্যজনক । সদস্যজনৰ ঘৰ উত্তৰ প্ৰদেশত বুলি জানিব পৰা হৈছে ।
ভুক্তভোগী বৃদ্ধগৰাকীৰ নাম কাজল মহন্ত ঘৰ ধুবুৰীত । অৱশ্যে ইৰাণী গ্রুপৰ সদস্য এজনক আটক কৰা হৈছে যদিও টকা খিনি উদ্ধাৰ কৰিবলৈ সক্ষম হোৱা নাই আৰক্ষীয়ে । উল্লেখ্য যে, কেৱল ধুবুৰীতেই নহয় ৰাজ্যৰ বিভিন্ন প্ৰান্তত বহিঃৰাজ্যৰ ইৰাণী গ্রুপৰ সদস্যই সন্ত্ৰাস চলাইছে ।
লগতে পঢ়ক:Encounter in Karimganj: কৰিমগঞ্জত ডকাইতলৈ লক্ষ্য কৰি গৰজিল আৰক্ষীৰ বন্দুক