IPL Gambler Arrested: খাৰুপেটীয়াত IPL জুৱাৰ বিৰুদ্ধে আৰক্ষীৰ অভিযান, আটক তিনি জুৱাৰী
দলগাঁও, 9 মে’: দৰঙৰ খাৰুপেটীয়াত আই পি এলৰ নামত চলিছে জুৱাৰ বেহা ৷ খাৰুপেটীয়াৰ বিভিন্ন স্থানত IPLক লৈ বৰ্তমান চলিছে লাখ লাখ টকাৰ জুৱা ৷ গোপনে চলা এই জুৱাত জড়িত হৈ পৰাৰ অভিযোগ একাংশ প্ৰতিষ্ঠিত যুৱ ব্যৱসায়ী, স্কুল কলেজৰ ছাত্ৰ, ক্ষুদ্ৰ ব্যৱসায়ী আদিৰ বিৰুদ্ধে ৷ আই পি এলৰ এনে জুৱাই নিশাৰ ভিতৰতে সৰ্বস্বান্ত কৰিছে বহুতকে (IPL Gambler Arrested at Kharupetia) ৷
দৰঙৰ নৱ নিযুক্ত আৰক্ষী অধীক্ষকৰ নিৰ্দেশ মৰ্মে, সোমবাৰে নিশা এক গোপন খবৰৰ ভিত্তিত IPL জুৱাৰ বিৰুদ্ধে খাৰুপেটীয়া আৰক্ষীয়ে এক অভিযান চলাই ৷ এই অভিযানত জুৱা খেলত জড়িত থকাৰ অভিযোগত তিনিজন যুৱকক আটক কৰে আৰক্ষীয়ে (IPL Gambler Arrested) ৷
আৰক্ষীয়ে খাৰুপেটীয়াৰ বিভিন্ন স্থানৰ পৰা বাবু আলী, মোস্তাফিজুৰ ৰহমান আৰু আইনুল হক নামৰ তিনিটাকৈ জুৱাৰী আটক কৰে ৷ আটক কৰা জুৱাৰী কেইটাৰ পৰা নগদ 25 হেজাৰ টকা, তিনিটা ম’বাইল, এখন বেলে'ন' বাহন আৰু এখন স্কুটি জব্দ কৰে খাৰুপেটীয়া আৰক্ষীয়ে (IPL Gambling in Kharupetia) ৷
লগতে পঢ়ক:Brutal murder: এজন লোক মৃত্যুক লৈ চিমেন চাপৰিত চাঞ্চল্য