Nalbari Raas Mahotshav : ৰাস মহোৎসৱৰ লগত সংগতি ৰাখি নলবাৰীত আয়োজন আন্তঃৰাজ্যিক বাণিজ্য মেলাৰ - নলবাৰী ৰাসত আয়োজন আন্তঃৰাজ্যিক বাণিজ্য মেলাৰ

নলবাৰী ৰাস মহোৎসৱৰ লগত সংগতি ৰাখি পোন প্ৰথমবাৰৰ বাবে নলবাৰীত আয়োজন কৰা হৈছে আন্তঃৰাজ্যিক বাণিজ্য মেলাৰ (Inter State Trade Fair to be held at Nalbari Raas Mahotshav 2022) । ৮ নৱেম্বৰ তাৰিখৰ পৰা ১৯ নৱেম্বৰলৈ হ’ব লগা এই বাণিজ্য মেলাত ১১ খন জিলাৰ পৰা প্ৰায় ৫০ টা গোটে অংশ গ্ৰহণ কৰিব । এই বাণিজ্য মেলাত বাঁহ-বেট উদ্যোগৰ লগতে বহু হস্তশিল্পৰ সামগ্ৰীৰো প্ৰদৰ্শন কৰা হ’ব । ৮ নৱেম্বৰত আনুষ্ঠানিকভাৱে এই মেলা শুভ উদ্বোধন কৰিব উদ্যোগ মন্ত্ৰী বিমল বৰাই ৷ দেওবাৰে এক সংবাদমেল সম্বোধন কৰি এই কথা সদৰী কৰে অসম বাণিজ্য উন্নয়ন সংস্থাৰ অধ্যক্ষ সুনীল ডেকাই । উক্ত সংবাদ মেলত উপস্থিত থাকে অসম বাণিজ্য উন্নয়ন সংস্থাৰ উপাধ্যক্ষ মধুৰাম ডেকা আৰু উপ মহাপ্ৰবন্ধক চন্দন চহৰীয়াও ।