কাৰ্বি জনগোষ্ঠীৰ সাজ পৰিধান কৰি পতাকা উত্তোলন এগৰাকী প্ৰধান শিক্ষকৰ

আজি ৰাজ্যজুৰি উদযাপন কৰা হয় দেশৰ 76 সংখ্যক স্বাধীনতা দিৱস (Independence Day celebration) ৷ ৰাজ্যৰ অন্য প্ৰান্তৰ সমান্তৰালকৈ কলিয়াবৰ মহকুমাৰ সীমামূৰীয়া কাৰ্বি-আংলঙৰ ৰঙাগৰাতো স্বাধীনতা দিৱস পালন কৰা হয় (Independence Day celebration in Karbi Anglong) ৷ কাৰ্বি আংলং জিলাৰ চুছেন ধেণ্টা পৰিষদীয় এলেকাৰ ৰঙাগৰাত আকৰ্ষণীয় সাংস্কৃতিক কাৰ্যসূচীৰে পালন কৰা হয় স্বাধীনতা দিৱসটি । ৰঙাগৰা উচ্চ মাধ্যমিক বিদ্যালয়ৰ খেলপথাৰত পুৱা কাৰ্বি জনগোষ্ঠীয় সাজ-পাৰ পৰিধান কৰি পতাকা উত্তোলন কৰে বিদ্যালয়খনৰ প্ৰধান শিক্ষক মুৰুলী বৰাই । পতাকা উত্তোলন কৰি দেশ তথা ৰাজ্যৰ স্বাধীনতা স‌ংগ্ৰামীসকলক শ্ৰদ্ধাৰে সোঁৱৰণ কৰে । পতাকা উত্তোলনৰ পাছতেই কাৰ্বি জনগোষ্ঠীয় নৃত্য পৰিৱেশন কৰে বিদ্যালয়ৰ ছাত্ৰ-ছাত্ৰী তথা স্থানীয় যুৱক-যুৱতীয়ে । বিয়লিৰ ভাগত স্থানীয় খেলুৱৈৰ মাজত এখনি প্ৰদৰ্শনীমূলক ফুটবল খেলো অনুষ্ঠিত হয় ।