Raids in business establishments:যোৰহাটৰ ব্যৱসায়িক প্ৰতিষ্ঠানত আয়কৰ বিভাগৰ অভিযান - Raids in business establishments
যোৰহাট, ১ আগষ্ট:যোৰহাটৰ ব্যৱসায়িক প্ৰতিষ্ঠান আৰু ব্যক্তিগত বাসগৃহত আয়কৰ বিভাগৰ অভিযান । মঙলবাৰে দিনৰ ভাগত যোৰহাট নগৰৰ মাজমজিয়াত থকা সুমন টেন্সপ'ৰ্টত অভিযান চলায় আয়কৰ বিভাগে । এই প্ৰতিষ্ঠানটোৰ স্বত্বাধিকাৰ জনৈক চঞ্চল কুণ্ডালীয়া নামৰ ব্যৱসায়ীজনৰ ভোগদৈৰ ওচৰত থকা ফ্লেটটোত অভিযান চলায় । একে সময়তে দুটা দলে পৃথকে পৃথকে চলাই অভিযান । আয়কৰ বিভাগৰ এটা দলে নগৰৰ মাজমজিয়াৰ পুৰণি মেস্ক মাৰ্ট ৰোডত থকা সুমন টেন্সপ'ৰ্টত অভিযান চলাই আয় তথ্য বিচাৰি তন্ন তন্ন কৈ সকলো পৰীক্ষা কৰে ।
উল্লেখ্য যে যি স্থানত আয়কৰ বিভাগ অভিযান চলাইছে সেই স্থানৰ অন্য ব্যৱসায়িক প্ৰতিষ্ঠানতো আয়কৰ বিভাগে পূৰ্বতেও অভিযান চলাইছিল । যিজনৰ ব্যৱসায়িক প্ৰতিষ্ঠানত আয়কৰ বিভাগে অভিযান চলাইছে তেওঁ বিভিন্ন প্ৰকাৰে কৰ ফাঁকি দি অহাৰ অভিযোগ উথাপন হৈ আহিছিল । ইতিমধ্যে আয়কৰ বিভাগে ব্যৱসায়ীজনৰ প্ৰতিষ্ঠান আৰু বাসভৱন পৰা বহু নথি পত্ৰ জব্দ কৰিছে ।
লগতে পঢ়ক:Bajrang Dal Arms trainning: মাৰণাস্ত্ৰ চালনাৰ প্ৰশিক্ষণ সন্দৰ্ভত ভূপেন বৰাৰ প্ৰতিক্ৰিয়া