Amrit brikshya andolan: 2 লাখ 82 হাজাৰ গছপুলি বিতৰণৰ লক্ষ্যৰে সাজু হৈছে হোজাই - অমৃত বৃক্ষ আন্দোলন

হোজাই, 14 ছেপ্টেম্বৰ : ৰাজ্যজুৰি ইতিমধ্যে আৰম্ভ হৈছেঅমৃত বৃক্ষ আন্দোলন ৷ এই অমৃত বৃক্ষ আন্দোলনৰ লগত সংগতি ৰাখি বৃহস্পতিবাৰৰ পৰা হোজাইৰ বন সংমণ্ডল প্ৰাধিকাৰী কনক বৈশ্যৰ নেতৃত্বত গছপুলি বিতৰণৰ কাৰ্যসূচী হাতত লোৱা হৈছে ৷ ডিএফঅ’গৰাকীয়ে দক্ষিণ নগাঁও বন সংমণ্ডল হোজাইৰ অধীনত প্ৰায় 2 লাখ 82 হাজাৰ গছপুলি বিতৰণৰ লক্ষ্য নিৰ্ধাৰণ কৰিছে ৷

কণক বৈশ্যই সদৰী কৰি কয় যে, অমৃত বৃক্ষ আন্দোলন সফল কৰি তুলিবলৈ হোজাইত বন বিভাগে বিভিন্ন নাৰ্চাৰীৰ পৰা 2 লাখ 82 হাজাৰ গছপুলি সংগ্ৰহ কৰিছিল ৷ প্ৰতিদিনেই এই পুলিসমূহ বিতৰণৰ কাম চলি আছে ৷ জিলাখনত ইতিমধ্যে 1,21,618 গৰাকীয়ে নাম পঞ্জীয়ন কৰিছে ৷ 

ইয়াৰ ভিতৰত মহিলা আত্মসহায়ক গোট, আশা কৰ্মী, আৰক্ষী ,চেল্ফ হেল্ফ গ্ৰুপ , শিক্ষানুষ্ঠান , চৰকাৰী বিভাগ আদিও অন্তৰ্ভুক্ত আছে ৷ অহা 17 ছেপ্টেম্বৰৰ পুৱাৰ 9 বজাৰ পৰা দিনৰ 12 বজালৈ এই গছপুলিসমূহ ৰোপণ কৰা হ'ব বুলিও জানিবলৈ দিয়ে বৈশ্যই ৷

লগতে পঢ়ক:Amrit brikshya andolan:বনাঞ্চল ধ্বংস কৰি বনানীকৰণ কেনেদৰে সম্ভৱ ?