Heated situation in Nagaon: নগাঁৱৰ ৰূপহীহাটত উত্তপ্ত পৰিস্থিতিত - Heated situation in Nagaon
নগাঁও,২২ জুন:নগাঁৱৰ ৰূপহীহাটত উত্তপ্ত পৰিস্থিতি । এজন লোকৰ মৃত্যুক কেন্দ্ৰ কৰি ৰূপহীহাটৰ হাৰিভাঙাত বুধবাৰে বিয়লি সৃষ্টি হয় উত্তপ্ত পৰিস্থিতিৰ । আৰক্ষীক ঘেৰাও কৰি উত্তেজনময় পৰিস্থিতিৰ সৃষ্টি কৰে ৰাইজে । আৰক্ষী আৰু ৰাইজৰ মাজত সৃষ্টি হোৱা তীব্ৰ-বাক বিতণ্ডাই ৰূপ লয় এক ভয়ংকৰ পৰিস্থিতিৰ । একাংশ উত্তেজিত ৰাইজে আৰক্ষীক প্ৰহাৰ কৰাৰো অভিযোগ উত্থাপন হৈছে ।
পৰৱৰ্তী সময়ত পৰিস্থিতি নিয়ন্ত্ৰণ কৰিবলৈ উত্তেজিত ৰাইজৰ ওপৰত আৰক্ষীয়ে লাঠী চাৰ্জ কৰিবলৈও বাধ্য হয় । ঘটনাৰ বিৱৰণী অনুসৰি হাৰিভাঙা বিলত মাছ মাৰিবলৈ গৈ নিৰুদ্দেশ হৈছিল বিশ্বজিৎ মণ্ডল নামৰ এজন লোক । বুধবাৰে বিয়লি বিশ্বজিত মণ্ডলৰ মৃতদেহ উদ্ধাৰ হোৱাৰ পিছতেই সৃষ্টি হয় এই উপ্তত পৰিস্থিতি । ঘটনা সন্দৰ্ভত আৰক্ষীৰ ওচৰত দাখিল কৰা এজাহাৰ অগ্ৰাহ্য কৰাৰ ফলত উত্তেজিত হৈ পৰে ৰাইজ ।
ইফালে আৰক্ষী আৰু ৰাইজৰ মাজত হোৱা হতাহতিত গুৰুতৰভাৱে আহত হয় মচমি নামৰ এগৰাকী মহিলা আৰক্ষী । নগাঁও মেডিকেল কলেজত ভৰ্তি কৰা হয় আহত মহিলা আৰক্ষী গৰাকীক । পৰৱৰ্তী সময়ত আৰক্ষীৰ তৎপৰতাত নিয়ন্ত্ৰণ হয় পৰিস্থিতি । মৃত বিশ্বজিত মণ্ডলক হত্যা কৰাৰ অভিযোগ একাংশৰ ।
লগতে পঢ়ক:Rangia robbery case : ৰঙিয়াত পিষ্টল দেখুৱাই ডকাইতৰ দলে ঘৰৰ পৰাই লুটিলে 10 লাখ টকা