নাহৰৰ দেশ ডিব্ৰুগড় বিশ্ববিদ্যালয়ত নিশা হাৰ্টথ্ৰৱ জুবিন গাৰ্গ - Golden Jubilee Celebration

নাহৰৰ দেশ ডিব্ৰুগড় বিশ্ববিদ্যালয়ত নিশা যুৱ প্ৰজন্মৰ হাৰ্টথ্ৰৱ জুবিন গাৰ্গ(Heartthrob Zubeen Garg at Dibrugarh University)। বিশ্ববিদ্যালয়ৰ পদ্মনাথ গোহাঞি বৰুৱাৰ ছাত্ৰাবাসৰ সোণালী জয়ন্তী অনুষ্ঠানত অংশগ্ৰহণ কৰি জনপ্ৰিয় কন্ঠশিল্পীগৰাকীয়ে পৰিৱেশন কৰিলে এটাৰ পিছত আন এটা জনপ্ৰিয় গীত(Golden Jubilee Celebration Padmanath Gohani Baroua Hostel) ৷ ৯ ছেপ্তেম্বৰৰ পৰা সোণালী জয়ন্তী বৰ্ষৰ লগত সংগতি ৰাখি তিনিদিনীয়াকৈ আয়োজন কৰা হয় স্বৰ্ণ সৌৰভ শীৰ্ষক কাৰ্যসূচী । সামৰণি অনুষ্ঠানৰ নিশা জুবিন গাৰ্গৰ কণ্ঠেৰে জীপাল হ'ল ডিব্ৰুগড় বিশ্ববিদ্যালয় চৌহদ ৷ জনপ্ৰিয় কন্ঠশিল্পীগৰাকীৰ গীতৰ তালে তালে নাচিলে হাজাৰ হাজাৰ দৰ্শকে ৷ নিয়ৰ সৰা নিশা হাৰ্টথ্ৰৱ জুবিন গাৰ্গৰ গীত উপভোগ কৰিলে সহস্ৰাধিক অনুৰাগীয়ে ৷