Sankardev Sangha Conference : শংকৰদেৱ সংঘৰ ধেমাজি অধিৱেশনৰ গুৰুগৃহ উদ্বোধন - শ্ৰীমন্ত শংকৰদেৱ সংঘৰ ৯২ সংখ্যক অধিৱেশন
আগন্তুক ১০, ১১ আৰু ১২ ফেব্ৰুৱাৰীত ধেমাজি জিলাৰ চিমেন চাপৰিৰ চেৰেণ পথাৰৰ পৰমানন্দ আতা সমন্বয় ক্ষেত্ৰত অনুষ্ঠিত হ’ব শ্ৰীমন্ত শংকৰদেৱ সংঘৰ ৯২ সংখ্যক অধিৱেশন (92nd Session of Srimanta Sankardev Sangha)৷ এই অধিৱেশনৰ বাবে বৰ্তমান প্ৰস্তুতি তুংগত উঠিছে । আনকি সোমবাৰে উদ্বোধন কৰা হয় গুৰুগৃহও (Guru Griho inaugurate) ৷ লগতে গুৰু আসনো প্ৰতিষ্ঠা কৰা হয় ।
খোল-মৃদংগ আৰু নাম-প্ৰসংগৰে ৰজন জনোৱা পৰিৱেশৰ মাজত গুৰুগৃহ উদ্বোধন কৰে শ্ৰীমন্ত শংকৰদেৱ সংঘৰ জোনাই জিলা শাখাৰ শৰণ সদস্য শুভ গগৈয়ে । ইতিমধ্যে ৰাজ্যখনৰ বিভিন্ন অঞ্চলৰ পৰা সোঁত বৈছে সেৱা বাহিনীৰ সদস্য আৰু একনিষ্ঠ সেৱকৰ । দিবা-নৈশে নিৰ্মীয়মান অৱস্থাত আছে ১৬৮ টা প্ৰতিনিধি শিবিৰৰ ।
আনকি বৰ্তমানো নিৰ্মাণ কাৰ্য চলি আছে বিশালকায় প্ৰেক্ষাগৃহ, ভোজনালয়ৰ লগতে বহু শিবিৰৰ । প্ৰায় তিনি কোটি টকা বাজেটেৰে প্ৰস্তুতি চলোৱা বিশাল অধিৱেশনৰ বাবে বহু শুভাকাংক্ষী, সংঘৰ কৰ্মকৰ্তা আৰু প্ৰশাসনেও সহায় সহযোগীতা আগবঢ়াইছে ।