কথমপি ৰক্ষা পৰিল এখন নামনিমুৱা মালবাহী ৰে'ল
Kokrajhar train mishap: দুৰ্ঘটনাৰ পৰা কথমপি ৰক্ষা পৰিল মালবাহী ৰে'ল - Goods train Engine Delinked
কোকৰাঝাৰ, 3 জুন : কোকৰাঝাৰত শনিবাৰে দুৰ্ঘটনাৰ পৰা কথমপি ৰক্ষা পৰিল এখন নামনিমুৱা মালবাহী ৰে'ল ৷ ওড়িষাৰ ভয়ংকৰ ৰে'ল দুৰ্ঘটনাৰ পিছতো সাৱধানতা অৱলম্বন নকৰা ৰে'ল বিভাগৰ গাফিলতিৰ বাবেই আজি এখন মালবাহী ৰে'লৰ ইঞ্জিন দবাৰ পৰা সংযোগ বিচ্ছিন্ন হয় (Goods train Engine Delinked in Kokrajhar) ৷
কোকৰাঝাৰ ৰে'লৱে ষ্টেচনৰ পৰা প্ৰায় এক কিলোমিটাৰ দূৰত সংঘটিত হয় এই ঘটনা (Kokrajhar News) ৷ ঘটনাৰ পিছত ৰে'লখনৰ ইঞ্জিনটো দবা অবিহনে প্ৰায় ছশ মিটাৰমান আগবাঢ়ি যায় আৰু ইঞ্জিনবিহীন দবাটো এটা সময়ত ট্ৰেকত ৰৈ যায় (Goods train Engine Delinked) ৷
পৰৱৰ্তী সময়ত ঘটনাস্থলীত ৰে'ল বিভাগৰ বিষয়া- কৰ্মচাৰী উপস্থিত হৈ দবাৰ সৈতে ইঞ্জিনটো পুনৰ সংযোগ কৰে ৷ প্ৰায় আধাঘণ্টাৰো অধিক সময়ৰ পিছত মালবাহী ৰে'লখন পুনৰ যাত্ৰা কৰিবলৈ সক্ষম হয় (Train Engine Delinks from Bogies in Kokrajhar) ৷