Golaghat Amateur Theatre: গোলাঘাট এমেচাৰ থিয়েটাৰ ছ'চাইটীৰ ১২৮ সংখ্যক প্রতিষ্ঠা দিৱস উদযাপন

১২৮ বছৰীয়া হ'ল গোলাঘাট এমেচাৰ থিয়েটাৰ ছ'চাইটী (Golaghat amateur theatre) । গোলাঘাটৰ মাজমজিয়াত অৱস্থিত অসমৰ অতিকৈ পুৰণি এক অগ্রণী থিয়েটাৰ হৈছে 'এমেচাৰ থিয়েটাৰ ছ'চাইটী' প্রেক্ষাগৃহ । এই প্রেক্ষাগৃহতে অসমৰ ইতিহাসৰ বহু প্রসিদ্ধ শিল্পীয়ে বিভিন্ন অনুষ্ঠান পৰিবেশন কৰি আহিছে । শুকুৰবাৰে প্রতিষ্ঠা দিৱসৰ লগত সংগতি ৰাখি পুৱা পতাকা উত্তোলন, বন্তি প্রজ্বলন, স্মৃতি তৰ্পনৰ লগতে এক বাৰেৰহণীয়া সাংস্কৃতিক শোভাযাত্রা উলিওৱা হয় (golaghat amateur theatre society foundation day) । এই শোভাযাত্রাৰ জৰিয়তে ১২৫ বছৰীয়া জয়ন্তী উদযাপনৰ সামৰণি অনুষ্ঠানৰ আয়োজন কৰে এমেচাৰ থিয়েটাৰ ছ'চাইটীয়ে । গোলাঘাটৰ মাজমজিয়াৰে পৰিভ্রমণ কৰা এই সাংস্কৃতিক শোভাযাত্রাত অংশগ্রহণ কৰে এমেচাৰ থিয়েটাৰ ছ'চাইটীৰ বিষয়ববীয়া তথা বিভিন্ন ব্যক্তিয়ে (128th foundation day of Golaghat amateur theatre) ।