Goat mission in BTR: আত্মসহায়ক গোটক ছাগলী বিতৰণ বিটিচিৰ কাৰ্যবাহী সদস্য ৰাকেশ ব্ৰহ্মৰ

বিটিআৰত শীঘ্ৰেই আৰম্ভ হ’ব Goat Mission ৰ কাম ৷ অহা ডিচেম্বৰ মাহৰ পৰা বিটিআৰৰ পাঁচখন জিলাত আৰম্ভ হ’ব Goat mission ৰ কাম ৷ এই মিছনৰ জৰিয়তে অৰ্থনৈতিক দিশত স্বাৱলম্বী কৰি তোলাৰ প্ৰয়াস কৰা হৈছে ৷ এই মন্তব্য বিটিচিৰ পশুপালন বিভাগৰ কাৰ্যবাহী সদস্য ৰাকেশ ব্ৰহ্মৰ ৷ আজি বাক্সা জিলাৰ মুছলপুৰত জিলা পশুপালন বিভাগৰ কাৰ্যালয়ত হিতাধীকাৰী তথা আত্মসহায়ক গোটক এই মিছনৰ জৰিয়তে ছাগলী বিতৰণ কৰে বিটিচিৰ কাৰ্যবাহী সদস্য ৰাকেশ ব্ৰহ্মই (Distributed goats to self help groups) ৷ তেওঁ লগতে কয় যে, বিটিআৰৰ কোকৰাঝাৰ, তামুলপুৰ, চিৰাং, ওদালগুৰি আৰু বাক্সা জিলাত পাঁচখন ছাগলী ফাৰ্ম স্থাপন কৰিব ৷ ইয়াৰ বাবে চক্ৰ বিষয়াসকলক মাটি আৱন্টনৰ বাবে বিভাগীয়ভাৱে নিৰ্দেশ প্ৰদান কৰা হৈছে বুলি মন্তব্য কৰে কাৰ্যবাহী সদস্যগৰাকীয়ে ৷