ৰঙাপৰাত গেলামালৰ দোকানত ওলাল গাঞ্জা - গেলামালৰ দোকানৰ পৰা গাঞ্জা জব্দ

ড্ৰাগছ আৰু নিচা জাতীয় দ্ৰব্যৰ বিৰুদ্ধে অসম আৰক্ষীৰ অভিযান অব্যাহত আছে (Assam police raid against drugs)। ৰাজ্যৰ ভিন্ন প্ৰান্তত প্ৰায় প্ৰতিদিনে জব্দ হৈছে গাঞ্জা, ড্ৰাগছ আদি মাৰাত্মক দ্ৰব্য । বাকী জিলাসমূহৰ দৰে শোণিতপুৰ আৰক্ষীও এই ক্ষেত্ৰত যথেষ্ট সষ্টম হোৱা দেখা গৈছে । জানিব পৰা মতে শোণিতপুৰ জিলাৰ ৰঙাপৰা আৰক্ষীয়ে সোমবাৰে গোপন সূত্ৰৰ ভিত্তিত এক অভিযান চলায় । অভিযানত আৰক্ষীৰ দলটোৱে এখন গেলামালৰ দোকানৰ পৰা গাঞ্জা জব্দ কৰিবলৈ সক্ষম হয় (Rangapara police seized ganja)। লগতে আৰক্ষীয়ে গাঞ্জা বিক্ৰী কৰাৰ অভিযোগত এজন ব্যক্তিকো আটক কৰে । ৰঙাপৰা আৰক্ষী থানাৰ অন্তৰ্গত বিষ্ণুপুৰত থকা গোলামালৰ দোকানখনৰ পৰা ২ কেজি ৫৮০ গ্ৰাম গাঞ্জা জব্দ কৰে (2 kg 580 gram of ganja seize at Rangapara)। আৰক্ষীয়ে দোকানখনৰ স্বত্বাধিকাৰী ৰাম চন্দ্ৰ বৈশ্যক আটক কৰি থানালৈ লৈ আহে ।