Illegal Gambling: জুৱাৰ ঘাটিৰ ভিডিঅ’ ভাইৰেল, আটক তিনি জুৱাৰী
নলবাৰী, 1 জুলাই : ৰাজ্যজুৰি নিচাযুক্ত সামগ্ৰীকে ধৰি জুৱা, তীৰখেলৰ বিৰুদ্ধে আৰক্ষীয়ে অব্যাহত ৰখাৰ পিচতো গা ল’ৰা নাই একাংশ লোকৰ ৷ আৰক্ষীক বৃদ্ধাংগুষ্ঠ দেখুৱাই এইবাৰ নলবাৰীৰ মুকালমুৱাৰ 2 নং কান্ধবাৰীত চলি থকা এটা জুৱাৰ ঘাটিত শনিবাৰে মুকালমুৱা আৰক্ষীয়ে অভিযান চলায় ৷ আৰক্ষীয়ে অভিযানত তিনিটা জুৱাৰী আটক কৰিবলৈ সক্ষম হয় ৷ ধৃত জুৱাৰীকেইটা আইনাল হক, মৰজাত আলী আৰু ৰাহুল আমিন বুলি জানিব পৰা গৈছে ৷
উল্লেখ্য যে, জুৱাৰ ঘাটিটোত জুৱা খেলি থকা এটা ভিডিঅ’ মুকালমুৱা আৰক্ষীয়ে লাভ কৰিছিল ৷ তাৰ পিচতে মুকালমুৱা আৰক্ষীয়ে লাভ কৰা উক্ত ভিডিঅ’টোৰ ভিত্তিত জুৱাৰ ঘাটিটোত অভিযান চলায় ৷ আৰক্ষীয়ে অভিযান চলাই তিনিটা জুৱাৰীক আটক কৰিবলৈ সক্ষম হয় যদিও বহুকেইটা জুৱাৰী পলায়ন কৰিবলৈ সক্ষম হয় ৷
লগতে পঢ়ক:International Day against Drug Abuse and Illicit Trafficking: ৰাজ্যৰ প্ৰান্তে প্ৰান্তে ড্ৰাগছ দহন