অৰুণোদয় আঁচনিৰ নামত টকা খাই আটক প্ৰৱঞ্চক
Published : Nov 17, 2023, 5:06 PM IST
জনিয়া, 17 নৱেম্বৰ : বৰপেটা জিলাৰ কলগাছিয়া আৰক্ষী থানাৰ অন্তৰ্গত বালিকুৰিত অৰুণোদয় আঁচনি আৱন্টন দিয়াৰ নামত ওলাইছে প্ৰৱঞ্চক ৷ অভিযোগ অনুসৰি বালিকুৰি গাঁৱত একাংশ প্ৰৱঞ্চকে আৰ্থিকভাৱে দুৰ্বল পৰিয়ালৰ পৰা অৰুণোদয় আঁচনি আৱন্টন দিয়াৰ নামত সংগ্ৰহ কৰিছে চাৰিশৰ পৰা পাঁচশকৈ টকা ৷ দুই প্ৰৱঞ্চকক ৰাইজে আটক কৰি গতালে আৰক্ষীকক ৷
উল্লেখযোগ্য যে ডাউকমাৰী গাঁৱৰ খোৱাজ উদ্দিনৰ পুত্ৰ মাইন উদ্দিন আৰু বালাৰপাথাৰ গাঁৱৰ আহালা মিয়াৰ পুত্ৰ বাবুল হুছেইন নামৰ দুই প্ৰৱঞ্চকে মিলি বালিকুৰিৰ জনতা গাঁও পঞ্চায়তৰ চাৰি নং খণ্ডলৈ গৈছিল অৰুণোদয় আঁচনি আৱন্টন দিয়াৰ নামত টকা সংগ্ৰহ কৰিবলৈ ৷ টকা লোৱাৰ সমগ্ৰ দৃশ্য কেমেৰাত বন্দী হয় ৷
কিন্তু একাংশ সচেতন মহিলাৰ তৎপৰতাত বালিকুৰি আৰক্ষীক খবৰ দি দুয়োটা প্ৰৱঞ্চকক গতাই দিয়ে ৷ প্ৰবঞ্চক দুটাক আটক কৰি থানালৈ লৈ যায় বালিকুৰি আৰক্ষীয়ে ৷ ৰাইজে প্ৰৱঞ্চক দুটাৰ কঠোৰ শাস্তিৰ দাবী জনায় ৷
লগতে পঢ়ক :বুজন পৰিমাণৰ ড্ৰাগছসহ আটক এজন সৰবৰাহকাৰী