Inter-Club Football League: কোকৰাঝাৰত প্ৰথম মহিলা আন্তঃক্লাৱ ফুটবল লীগ - Inter Club Football League

কোকৰাঝাৰ, ২৯ মে': কোকৰাঝাৰ জিলা ক্ৰীড়া সন্থাৰ উদ্যোগত প্ৰথমবাৰৰ বাবে আয়োজিত প্ৰথম মহিলা আন্তঃক্লাৱ ফুটবল লীগ চেম্পিয়নশ্বিপৰ ফাইনেল খেলখন দেওবাৰে বিয়লি কোকৰাঝাৰ ছাই এছ এ জি একাদশ আৰু পাটগাঁও এভালেন্স ক্লাৱৰ মাজত অনুষ্ঠিত হয় (First Women Inter-Club Football League held in Kokrajhar) ৷  

কোকৰাঝাৰ জিলা ক্ৰীড়া সন্থাৰ খেলপথাৰত অনুষ্ঠিত হোৱা ফাইনেল খেলখনত কোকৰাঝাৰ ছাইয়ে পাটগাঁও এভালেন্স  ক্লাৱক ৩-১ গ'লৰ ব্যৱধানত পৰাজিত কৰি প্ৰথমবাৰৰ বাবে আয়োজিত হোৱা প্ৰতিযোগিতাখনৰ চেম্পিয়নশ্বিপ খিতাপ দখল কৰিবলৈ সক্ষম হয় ৷ তীব্ৰ প্ৰতিযোগিতাপূৰ্ণ খেলখনৰ প্ৰথমাৰ্ধৰ ২০ মিনিটত কোকৰাঝাৰ ছাই এছ এ জিৰ হৈ দৈথী বড়োৱে এটা, মাইদাংশ্ৰী নাৰ্জাৰীয়ে ২৯ মিনিটত এটা আৰু দ্বিতীয়াৰ্ধৰ ৬১ মিনিটত মাইদাংশ্ৰী নাৰ্জাৰীয়ে পুনৰ আন এটা গ’ল দিয়ে (Inter Club Football League) ৷  

আনহাতে দি পাটগাঁও এভালেন্স ক্লাৱৰ হৈ দ্বিতীয়াৰ্ধৰ  ৬৭ মিনিটত একমাত্ৰ গ'লটো দিয়ে পকিতা বড়োৱে ৷ উল্লেখ্য যে, বিজয়ী দল কোকৰাঝাৰ ছাই এছএজিক ট্ৰফীসহ নগদ পাঁচ হেজাৰ টকা আৰু ৰাণাৰ্ছ আপ দল পাটগাঁও এভালেন্স স্পৰ্টছ ক্লাৱক ট্ৰফীসহ নগদ তিনি হেজাৰ টকা প্ৰদান কৰা হয় ৷ আনহাতে প্ৰতিযোগিতাৰ শ্ৰেষ্ঠ খেলুৱৈ হিচাপে নিৰ্বচিত হোৱা কোকৰাঝাৰ ছাই এছ এ জিৰ কবিতা ওৱাৰীক নগদ ধন সহ ট্ৰফী প্ৰদান কৰা হয় ৷ 

লগতে পঢ়ক:Rally by AGP in Dibrugarh : ডিব্ৰুগড়ত বিশাল ৰেলী উলিয়াই অগপই বজালে নিৰ্বাচনী ৰণশিঙা