Fire breakout: নুমলীগড় তেল শোধনাগাৰৰ হাইড্ৰ’ক্ৰেকাৰ ইউনিটত বিস্ফোৰণ; দাউ দাউ জ্বলি উঠিল ইউনিটটো - নুমলীগড় তেল শোধনাগাৰ

যোৰহাট, 29 মে’ : গোলাঘাট জিলাৰ নুমলীগড় তেল শোধনাগাৰৰ হাইড্ৰ’ক্ৰেকাৰ ইউনিটত বিধ্বংসী অগ্নিকাণ্ডৰ ঘটনা সংঘটিত হৈছে (Fire breakout at NRL) ৷ বিয়লি 7.15 বজাত হাইড্ৰ’ক্ৰেকাৰ ইউনিটত বিস্ফোৰণ সংঘটিত হয় ৷ যোৱা প্ৰায় দুমাহে বন্ধ হৈ আছিল হাইড্ৰ’ক্ৰেকাৰ ইউনিটটো ৷ এতিয়াও বহু সংখ্যক লোক শোধনাগাৰটোৰ ভিতৰত আৱদ্ধ হৈ আছে বুলি জানিব পৰা গৈছে ৷ 

এই ঘটনাৰ পিচতে জুই নুমুৱাবলৈ কেইবাখনো অগ্নিনিৰ্বাপক বাহিনীৰ বাহন উপস্থিত হৈ জুই নুমুৱাবলৈ চেষ্টা অব্যাহত ৰাখিছে ৷ ক্ৰমাৎ বিধ্বংসী অগ্নিকাণ্ড নিৰ্বাপিত হোৱা কথা এক বিশেষ সূত্ৰই জানিবলৈ দিছে । বাতৰি প্ৰকাশ কৰা সময়লৈকে কোনো লোকৰ হতাহতিৰ খবৰ জানিবলৈ পৰা হোৱা নাই ৷

লগতে পঢ়ক:Leopard hunts dogs: গৃহস্থৰ বাৰাণ্ডাৰ পৰাই বাঘে টানি নিলে কুকুৰ