Fire Break Out: বিধ্বংসী জুইত ছাই হ’ল এটা ঘৰ, 100 কুইণ্টল মৰাপাট
Published : Oct 25, 2023, 5:29 PM IST
নলবাৰী, ২৫ অক্টোবৰ :নলবাৰীৰ ৩ নং বৰতলা চৰত বিধ্বংসী অগ্নিকাণ্ডৰ ঘটনা । ৩ নং বৰতলা চৰৰ বাদশ্বাহ আৰু ওচমান আলীৰ ঘৰত সংঘটিত হয় এই অগ্নিকাণ্ডৰ ঘটনাটো । অগ্নিকাণ্ডৰ ঘটনাত বাদশ্বাহ নামৰ লোকজনৰ এটা বাসগৃহ সম্পূৰ্ণৰূপে ভস্মীভূত হোৱাৰ লগতে দুয়োজন লোকৰে ঘৰৰ ওচৰতে জমা কৰি থোৱা মৰাপাটতো অগ্নিসংযোগ হয় । যাৰ ফলত নিমিষতে অগ্নিকাণ্ডই অতি ভয়ংকৰ ৰূপ লয় ।
এই ঘটনাৰ পিচতে অঞ্চলজুৰি এক হাহাকাৰ অৱস্থাৰ সৃষ্টি হয় । এই অগ্নিকাণ্ডৰ ঘটনাত দুয়োজন লোকৰে প্ৰায় ১০০ কুইন্টল মৰাপাট সম্পূৰ্ণৰূপে ভস্মীভূত হয়। পৰৱৰ্তী সময়ত স্থানীয় লোকৰ তৎপৰতাত জুই নিৰ্বাপন হয় যদিও প্ৰায় ৫ লাখ টকাৰ সা-সম্পত্তি জুইত জাহ যায় । অৱশ্যে অগ্নিৰ সূত্ৰপাতৰ কাৰণ এতিয়ালৈ জানিব পৰা হোৱা নাই।
লগতে পঢ়ক:Opposition Unity Forum: আসন বুজাবুজিক লৈ বৃহস্পতিবাৰে গুৱাহাটীত বিৰোধী ঐক্য মঞ্চৰ গুৰুত্বপূৰ্ণ বৈঠক