নিমিষতে ছাই হৈ গ’ল মৰমৰ ঘৰখন, জুইত জাহ গ’ল ৬ পৰা ৭ লাখ টকাৰ সম্পত্তি

মৰিগাঁও, 5 ডিচেম্বৰ :মৰিগাঁও জিলাৰ তেলাহী নাৰমাৰিত ভয়ংকৰ অগ্নিকাণ্ডৰ ঘটনা সংঘটিত হৈছে ৷  নিমিষতে চকুৰ সন্মুখতেই চাই হৈ গ’ল আপোন ঘৰখন । জুইত জাহ গ’ল ৬ পৰা ৭ লাখ টকাৰ সম্পত্তি । জানিব পৰা মতে, নাৰমাৰিৰ তাহিৰ হুছেইন নামৰ লোকজনৰ ঘৰত সংঘটিত হয় এই ভয়ংকৰ অগ্নিকাণ্ডৰ ঘটনা । বৈদ্যুতিক বিসংগতিৰ বাবে এই অগ্নিকাণ্ড সংঘটিত হোৱাৰ সন্দেহ কৰিছে স্থানীয় লোকে ।

এই ঘটনাৰ পিচতে স্থানীয় লোকে অগ্নিনিৰ্বাপক বাহিনীক ঘটনাৰ সন্দৰ্ভত খবৰ দিয়ে ৷ খবৰ লাভ কৰাৰ পিচতে মৰিগাঁও অগ্নিনিৰ্বাপক বাহিনীয়ে ঘটনাস্থলীত উপস্থিত হৈ জুই নিৰ্বাপন কৰে ৷ অৱশ্যে তেতিয়ালৈ লোকজনৰ বাসগৃহৰ লগতে সকলো সা-সম্পত্তি জুইত ভস্মীভূত হয়। এই ঘটনাৰ পিচতে পৰিয়ালটোত শোকাকুল পৰিৱেশৰ সৃষ্টি হৈছে ৷

লগতে পঢ়ক:গোলাঘাটৰ ঢেকীয়ালত বিদ্যালয়ত চোৰৰ চাফাই অভিযান