Artificial floods in Nalbari: নলবাৰীক কৃত্ৰিম বানমুক্ত কৰাৰ প্ৰয়াস - নলবাৰীত কৃত্ৰিম বানমুক্ত কৰাৰ প্ৰয়াস

নলবাৰী,২৩ আগষ্ট:নলবাৰীৰ বৰক্ষেত্ৰী অঞ্চলৰ কৃষকসকলৰ এটা দীৰ্ঘদিনীয়া সমস্যা হ'ল খেতিপথাৰৰ কৃত্ৰিম বান । এই কৃত্ৰিম বানৰ বাবে বৰক্ষেত্ৰী ৰাজহ চক্ৰৰ কেইবাখনো গাৱঁৰ কৃষকে শাওনৰ খেতিপথাৰত শালিধানৰ খেতি কৰিব পৰা নাছিল । অঞ্চলটোৰ খেতি পথাৰৰ পৰা পানী ওলাই যোৱা কালভাৰ্টসমূহ বা পানী ওলাই যোৱা পথবোৰ বন্ধ হৈ থকা বাবে খেতি পথাৰসমূহ জলমগ্ন হৈ আছিল ।  

যাৰ ফলত কৃষকসকলে খেতি কৰিব নোৱাৰি কেইদিনমান পূৰ্বে একাংশ কৃষকে বৰক্ষেত্ৰী ৰাজহ চক্ৰ বিষয়াক অভিযোগ দিছিল । তাৰ পিছতে বৰক্ষেত্ৰী ৰাজহ চক্ৰৰ চক্ৰ বিষয়া কৌস্তভ ৰয়ে মুকালমুৱা আৰক্ষীৰ সহযোগত কালদি, বনপুৰা, কচুৱা আৰু নাৰুৱা অঞ্চলৰ খেতিপথাৰত জমা হৈ থকা পানী নিষ্কাষণৰ বাবে কালভাৰ্ট আৰু বান্ধসমূহ খুলি দিয়ে । এচাম লোকে নিজৰ সুবিধাৰ্থে পথাৰৰ পানী ওলাই যোৱা পথসমূহ বন্ধ ৰাখিছিল ।  

যাৰ ফলত পথাৰত কৃত্ৰিম বানৰ সৃষ্টি হোৱাত কৃষকসকলে খেতি কৰিব পৰা নাছিল । ৰাজহ চক্ৰ বিষয়া কৌস্তৱ ৰয়ে জানিব দিয়া মতে বৰক্ষেত্ৰী প্ৰশাসনে কেইবাটাও প্ৰান্তত কালভাৰ্ট আৰু বান্ধ খুলি প্ৰায় এহেজাৰ হেক্টৰ কৃষি ভূমি বানমুক্ত কৰি কৃষকক খেতি কৰিব পৰাকৈ ব্যৱস্থা কৰি দিয়ে । 

লগতে পঢ়ক:NPS workers protest: নতুন পেন্সন নীতি বাতিলৰ দাবীত কৰ্মচাৰীৰ উত্তাল প্ৰতিবাদ