MLA Terash Gowalla:বিধায়ক তেৰছ গোৱালাৰ কনভয়ত সোমাল বিলাসী বাহন - সুৰামত্ত গাড়ী চালক

ডিব্ৰুগড়, 10 নৱেম্বৰ :নিশা দুলীয়াজানত সুৰামত্ত চালকৰ তাণ্ডৱ । সুৰামত্ত চালকৰ বাহনৰ খুন্দাত ক্ষতিগ্ৰস্ত হ’ল বিধায়ক তেৰছ গোৱালাৰ কনভয়ৰ কেইবাখনো বাহন ৷ বিধায়কগৰাকীৰ এজন দেহৰক্ষী গুৰুতৰভাৱে আহত হয় ৷ তেৰছ গোৱালাৰ লগতে কেইবাজনীয়া সদস্য তথা সৰ্বদলীয় বিধায়কৰ বাহন দুৰ্ঘটনাগ্ৰস্ত হয় । দুলীয়াজানৰ জুনিয়ৰ কলেজৰ সন্মুখত এই ঘটনা সংঘটিত কৰে সুৰামত্ত বাহন চালকে । এ এছ ০৬ ভি ৭৪৮৮ নম্বৰৰ হ্যুণ্ডাই বাহনখনে বিধানসভাৰ আবেদন সমিতিৰ তিনিখন বাহনৰ লগতে অন্য এখন বাহনত খুন্দা মৰাৰ ফলতেই দুৰ্ঘটনাটো সংঘটিত হয় ।

ঘটনাৰ পাচতেই ঘটনাস্থলীত সৃষ্টি হয় উত্তপ্ত পৰিস্থিতিৰ । ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰাৰ লগতে সুৰামত্ত গাড়ী চালকক আটক কৰি থানাত সোধপোচ অব্যাহত ৰাখিছে ৷ সুৰামত্ত হৈ গাড়ী চলোৱাৰ বাবে এই ঘটনা সংঘটিত হ’ল বুলি জানিবলৈ দিছে বিধায়ক তেৰছ গোৱালাই ।

লগতে পঢ়ক : Amrit Kalash Yatra:ৰাইজৰ ঘৰে ঘৰে মাটি সংগ্ৰহ কৰিলে বিধায়ক তেৰছ গোৱালাই