কলিয়াবৰত নৈশবাছৰ পৰা ড্ৰাগছ জব্দ - Drugs paddler arrested in Kaliabar
Published : Dec 26, 2023, 1:54 PM IST
কলিয়াবৰ,২৬ ডিচেম্বৰ:ৰাজ্যজুৰি আৰক্ষীৰ ড্ৰাগছ বিৰোধী অভিযান অব্যাহত থকাৰ মাজতে একাংশ ড্ৰাগছ সৰবৰাহকাৰীয়ে নতুন নতুন কৌশলেৰে চলাই গৈছে ড্ৰাগছৰ সৰবৰাহ । কলিয়াবৰত পুনৰ জব্দ নিষিদ্ধ ড্ৰাগছ । নৈশ বাছৰ পৰা ২২ টা কন্টেইনাৰসহ এটা সৰবৰাহকাৰীক আটক কৰে আৰক্ষীয়ে । গুৱাহাটীৰ পৰা পাচিঘাট অভিমুখী এখন নৈশ বাছৰ পৰা ড্ৰাগছখিনি উদ্ধাৰ কৰে আৰক্ষীয়ে ।
আৰক্ষীয়ে নলতলীত বাছখনত তালাচী চলাই এজন লোকৰ পৰা জব্দ কৰে ড্ৰাগছখিনি । লোকজনে মোজাৰ ভিতৰত লুকুৱাই আনিছিল ড্ৰাগছৰ কন্টেইনাৰকেইটা । আৰক্ষীয়ে কন্টেইনাৰ কেইটা জব্দ কৰাৰ লগতে সৰবৰাহকাৰীটোক আটক কৰে । ধৃত সৰবৰাহকাৰীটো ফৈজোল ৰহমান বুলি জানিব পৰা গৈছে । গুৱাহাটীৰ পৰা লালুকলৈ AR-17-3199 নম্বৰৰ নৈশ বাছৰে গৈ আছিল সৰবৰাহকাৰীটো ।
লগতে পঢ়ক:তেজপুৰত পুনৰ ডাইনীকাণ্ড, ডাইনী সন্দেহত গাঁৱৰ পৰা বিতাড়িত বৃদ্ধ দম্পতী