Anti drugs operation: ড্ৰাগছ সৰবৰাহকাৰী সহ তিনি ড্ৰাগছ সেৱনকাৰী আটক - দুলীয়াজান আৰক্ষী
Published : Sep 13, 2023, 8:32 PM IST
মৰাণ, 13 ছেপ্টেম্বৰ :দুলীয়াজান আৰক্ষীৰ ড্ৰাগছ বিৰোধী সফল অভিযান । বুধবাৰে চলোৱা এই অভিযানত তিনিটা ড্ৰাগছ সেৱনকাৰীক আটক কৰাৰ লগতে এটা ড্ৰাগছ সৰবৰাহকাৰীক আটক কৰিছে দুলীয়াজান আৰক্ষীয়ে ৷
এক গোপন সূত্ৰৰ ভিত্তিত দুলীয়াজান আৰক্ষী পৰিদৰ্শক ভাস্কৰ শইকীয়াৰ নেতৃত্বত এটা আৰক্ষীৰ দলে অতি কৌশলেৰে আটক কৰে তিনি ড্ৰাগছ সেৱনকাৰী যুৱকক। আটকাধীন তিনি ড্ৰাগছ সেৱনকাৰী ক্ৰমে জয় কিষণ গোৱালা (24) , সাহিল দৰ্জী (19) আৰু সৌৰভ বৰা (23) বুলি আৰক্ষীয়ে জানিবলৈ দিছে ।
তিনিওটা ড্ৰাগছ সেৱনকাৰীক E টাইপ 46 ছাৰ্ভেন্ট কোৱাটাৰৰ পৰা আটক কৰিছে আৰক্ষীয়ে । আটকাধীন তিনি ড্ৰাগছ আসক্তৰ পৰা দুলীয়াজান আৰক্ষীয়ে 38 গ্ৰাম হেৰ’ইন, চিৰিঞ্জ আৰু 10 টা খালি কণ্টেইনাৰ জব্দ কৰিছে ।
আনহাতে আটকাধীন তিনি ড্ৰাগছ সেৱনকাৰীৰ স্বীকাৰোক্তিৰ ভিত্তিত আৰক্ষীয়ে দুলীয়াজান দৈনিক বজাৰত অভিযান চলাই শ্বাহাজুল ইছলাম নামৰ আন এটা সৰবৰাহকাৰীক আটক কৰে ৷ আৰক্ষীয়ে সৰবৰাহকাৰীটোৰ পৰা 3 গ্রাম হেৰ’ইন সহ নগদ 2000 টকা জব্দ কৰিছে।
লগতে পঢ়ক:Anti liquor operation: ধনশিৰি মহকুমাৰ নাওজানত 900 লিটাৰ চুলাই নষ্ট আৰক্ষীৰ