Drugs seized: বৰপেটাৰোডত ড্ৰাগছ সহ এটা সৰবৰাহকাৰীক আটক

বৰপেটাৰোড, 29 আগষ্ট :ৰাজ্যজুৰিনিচাযুক্ত সামগ্ৰীৰ বিৰুদ্ধে কঠোৰ অভিযান অব্যাহত থকাৰ পিচতো ন ন কৌশল অৱলম্বন কৰি সৰবৰাহকাৰীয়ে নিচাযুক্ত সামগ্ৰীৰ সৰবৰাহ কৰি আছে ৷ সোমবাৰে বৰপেটাৰোড আৰক্ষীয়ে অভিযান চলাই ড্ৰাগছ সহ এজন যুৱকক আটক কৰে ৷  

জানিব পৰামতে বৰপেটাৰোড আৰক্ষীয়ে সোমবাৰে এক গোপন সূত্ৰৰ ভিত্তিত শিমলাগুৰিৰ বাজাজ শ্ব’ৰুমৰ সন্মুখত অভিযান চলাই ড্ৰাগছ ব্যৱসায়ী আমিৰ আলীক আটক কৰে ৷ বৰপেটাৰোডৰ ৯ নম্বৰ ৱাৰ্ডৰ শক্তিনগৰৰ বাসিন্দা আমিৰ আলী দীৰ্ঘদিনৰে পৰাই নিজে ড্ৰাগছ সেৱন কৰাৰ লগতে ড্ৰাগছৰ ব্যৱসায় কৰি আহিছিল বুলি জানিব পৰা গৈছে ৷ 

ধৃত ড্ৰাগছ ব্যৱসায়ী আমিৰ আলীৰ পৰা আৰক্ষীয়ে 10.51 গ্ৰাম ড্ৰাগছ সহ কিছু কন্টেইনাৰ জব্দ কৰাৰ লগতে এটা মোবাইল ফোন, এখন পালচাৰ বাইক আৰু নগদ 500 টকা উদ্ধাৰ কৰে ।

লগতে পঢ়ক:Operation against drugs: ড্ৰাগছ আসক্তক আটক কৰি আৰক্ষীক গতালে আছুৰ সদস্যই