Drugs siezed in Hojai: হোজাইত 5 সৰবৰাহকাৰী সহ ড্ৰাগছ জব্দ

ৰাজ্যত ড্ৰাগছৰ বিৰুদ্ধে আৰক্ষীৰ অভিযান অব্যাহত থকাৰ সময়তে শুকুৰবাৰে পুৱতি নিশা যমুনামুখৰ সৰুপথাৰত এক গোপন তথ্যৰ ভিত্তিত হোজাইৰ আৰক্ষী অধীক্ষক বৰুন পুৰকায়স্থৰ নিৰ্দেশত যমুনামুখ আৰক্ষীয়ে এক অভিযান চলায় ৷ আৰক্ষীয়ে এই অভিযানত দুগৰাকী মহিলাকে ধৰি পাঁচটা ড্ৰাগছ সৰবৰাহকাৰীক গ্ৰেপ্তাৰ কৰে (Drugs paddler arrested with drugs)৷ ধৃত সৰবৰাহকাৰীকেইটা হ’ল আমিনা বেগম, মমতাজ বেগম, আব্দুল হান্নান, হবিবুৰ ৰহমান আৰু জমিৰ উদ্দিন (Drugs paddler arrested in Hojai)৷ আটাইকেইটা সৰবৰাহকাৰীৰ ঘৰ যমুনামুখৰ সৰুপথাৰত বুলি আৰক্ষীয়ে জানিবলৈ দিয়ে ৷ আৰক্ষীয়ে সৰবৰাহকাৰীকেইটাৰ পৰা বহুকেইটা হেৰ’ইন ভৰ্তি কণ্টেইনাৰৰ লগতে পাঁচটা নিছাজাতীয় কফ চিৰাপ জব্দ কৰে (Drugs siezed in Hojai)৷ হেৰ’ইনখিনি ক’ৰপৰা অনা হৈছে সেইয়া এতিয়াও পোহৰলৈ অহা নাই ৷ সম্প্ৰতি আৰক্ষীয়ে ধৃত সৰবৰাহকাৰীকেইটাক জেৰা অব্যাহত ৰাখিছে ৷