Drugs Paddler Arrested: জয়পুৰত আৰক্ষীয়ে খেদি খেদি আটক কৰিলে ড্ৰাগছ সৰবৰাহকাৰী - ড্ৰাগছ সৰবৰাহকাৰী আটক

ডিব্ৰুগড়, 9 মে’:  জয়পুৰ আৰক্ষীৰ অভিযানত নিষিদ্ধ হেৰ’ইনসহ গ্ৰেপ্তাৰ কুখ্যাত ড্ৰাগছ সৰবৰাহকাৰী ৷ জয়পুৰ আৰক্ষী থানাৰ অন্তৰ্গত নীপকো দলঙৰ সমীপৰ জয়পুৰ উষাপুৰ পথত আজি বিয়লি নিষিদ্ধ হেৰ'ইনসহ এটা কুখ্যাত ড্ৰাগছ সৰবৰাহকাৰীক আটক কৰে আৰক্ষীয়ে (Drugs Paddler Arrested) ৷  

জানিব পৰা মতে, জয়পুৰ থানাৰ ভাৰপ্ৰাপ্ত বিষয়া উত্তম মালাকাৰৰ নেতৃত্বত অসামৰিক পোছাকত যোৱা আৰক্ষীৰ এটা দলে জয়পুৰৰ পৰা খেদি খেদি উষাপুৰৰ জাপিসজীয়া গাঁৱত আটক কৰে কুখ্যাত ড্ৰাগছ সৰবৰাহকাৰীটোক ৷ আটকাধীন সৰবৰাহকাৰীটো দিগন্ত মেচ (32) বুলি জানিব পৰা গৈছে ৷ আৰক্ষীয়ে সৰবৰাহকাৰীটোৰ পৰা প্ৰায় 300 মিলিগ্ৰাম হেৰ’ইনসহ এটা প্লাষ্টিকৰ কন্টেইনাৰ আৰু এখন AS-06-Z 5234 বাজাজ এভেনজাৰ বাইক জব্দ কৰে (Drugs Paddler Arrested at Joypur) ৷

উল্লেখ্য যে, ইয়াৰ পূৰ্বেও ড্ৰাগছ সেৱন আৰু সৰবৰাহৰ গোচৰত বহুবাৰ ৰঙাঘৰৰ আলহী হ'ব লগা হৈছিল এইটো কুখ্যাত ড্ৰাগছ ব্যৱসায়ী দিগন্ত মেচ ৷ ইতিমধ্যে আৰক্ষীয়ে ধৃত সৰবৰাহকাৰীটোক জেৰা অব্যাহত ৰাখিছে (Heroine Seized at Joypur) ৷

লগতে পঢ়ক:Smart meter of APDCL: হেকাৰৰ কৱলত পৰিব পাৰে বিদ্যুৎ বিভাগৰ স্মাৰ্ট মিটাৰ