Drama staged in Morigaon: মৰিগাঁৱত মঞ্চস্থ দ্ৰৌপদীৰ পৰিয়াল - Drama staged in Morigaon

মৰিগাঁও,১৬ নৱেম্বৰ:বুধবাৰে নিশা মৰিগাঁও জিলা পুথিভঁৰাল প্ৰেক্ষাগৃহত মঞ্চস্থ কৰা হয় 'দ্ৰৌপদীৰ পৰিয়াল' শীৰ্ষক নাটখনি । ৰাজ্যৰ আগশাৰীৰ অপেছাদাৰী নাট্যদল লালিলাং দ্যা থিয়েটাৰ ৰিডমৰ ত্ৰয়োদশ নিবেদন দৌপদ্ৰীৰ পৰিয়াল । নাট্যকাৰ সপোন জ্যোতি ঠাকুৰৰ নাটখনিক পৰিচালনা কৰে ৰাজ্যৰ জনপ্ৰিয় পৰিচালক ৰফিকুল হুছেইনে । সভাপতি জিতেন ডেকা, সম্পাদক জ্ঞান মোহন ডেকা, সহ সম্পাদক ভৱেশ খাটনিয়াৰ উপস্থিত নাট্যপ্ৰেমী দৰ্শকক ধন্যবাদ জ্ঞাপন কৰে ।  

ৰাজ্যৰ আগশাৰী তথা জনপ্ৰিয় অভিনেত্ৰী জ্যোৎস্না বসুমতাৰী, অভিনেতা, পৰিচালক ৰাতুল ভূঞা, ৰোহিনী কুমাৰ ডেকা, অসীম বৰদলৈ, ভৱেশ খাটনিয়াৰৰ সাৱলীল অভিনয়ে উপস্থিত সকলো দৰ্শকক আপ্লুত কৰে । ব্যতিক্ৰমী নাট্যশৈলীৰে মঞ্চায়ণ কৰা নাটকৰ পিচতে মৰিগাঁও শিক্ষাবিদ, শিল্পী অশোক ডেকাক সম্বৰ্ধনা জনায় । 

লগতে পঢ়ক:Chhath Puja 2023: টীয়কত ষট পূজাৰ প্ৰস্তুতি