Durga puja 2023 : তিনিচুকীয়াত জীৱন্ত দুৰ্গা প্ৰতিমাই আকৰ্ষিত কৰিছে সকলোকে

তিনিচুকীয়া, 22 অক্টোবৰ:মহা সপ্তমীৰ নিশা তিনিচুকীয়াত জীৱন্ত মা দূৰ্গাৰ প্ৰতিমাই আকৰ্ষিত কৰিছে সকলোকে ৷ তিনিচুকীয়াৰ ৰংপুৰীয়াত থকা পৰমপিতা ঈশ্বৰীয় বিশ্ববিদ্যালয়ত বিগত বৰ্ষসমূহৰ দৰেই সপ্তমীৰ নিশা প্ৰদৰ্শন কৰা হয় জীৱন্ত প্ৰতিমাৰ কলা ৷ ইয়াৰ পূৰ্বে বকাসুৰ বধৰ এখনি নাট প্ৰদৰ্শন কৰা হয় ৷ 

উক্ত অনুষ্ঠানত শ্ৰমমন্ত্ৰী সঞ্জয় কিষাণ বিশিষ্ট অতিথি হিচাপে উপস্থিত থাকি বন্তি প্ৰজ্বলন কৰে ৷ পৰমপিতা ঈশ্বৰীয় বিশ্ববিদ্যালয়ৰ কৰ্তৃপক্ষই জানিবলৈ দিয়া অনুসৰি নিজৰ যোগ আৰু ধ্যানৰ জৰিয়তেই এই জীৱন্ত প্ৰতিমাৰ কলা প্ৰদৰ্শন কৰিবলৈ সক্ষম হৈছে পৰমপিতা ঈশ্বৰীয় বিশ্ববিদ্যালয়ৰ সদস্যসকলে ৷ 

উল্লেখ্য যে, একেৰাহে 45 মিনিট সময় ধৰি জীৱন্ত প্ৰতিমা ৰাইজক প্ৰদৰ্শন কৰিবলৈ সক্ষম হৈছে পৰমপিতা ঈশ্বৰীয় বিশ্ববিদ্যালয়ৰ সদস্যসকলে ৷

লগত পঢ়ক:Fire break out in Jania: জনীয়াত অগ্নিকাণ্ডত ভস্মীভূত 6 লক্ষাধিক টকাৰ সম্পত্তি