Deadbody recovered: সোণাৰি চাহ বাগিচাত উলংগ অৱস্থাত মৃতদেহ উদ্ধাৰ - Suspected murder in Sonari

চৰাইদেউ,২৬ অক্টোবৰ:চৰাইদেউ জিলাৰ সোণাৰিত যুৱকৰ মৃতদেহ উদ্ধাৰ  । খামলুং চাহ বাগিছাৰ মাজত উলংগ অৱস্থাত ৩০ বছৰীয়া এজন যুৱকৰ মৃতদেহ উদ্ধাৰক লৈ তীব্ৰ চাঞ্চল্য । ইতিমধ্যে যুৱকজন চৰাইদেউৰ জৱকা খামলুং চাহ বাগিছাৰ ৰাজা বাউৰী বুলি চিনাক্ত কৰা হৈছে । ৰহস্যজনকভাৱে মৃত্যু হোৱা যুৱকজনক হত্যা কৰা বুলি পৰিয়ালৰ লোকে সন্দেহ কৰিছে ।  

পৰিয়ালৰ লোকে সদৰী কৰা অনুসৰি যোৱা নিশা গৌতম ৰাজপুত নামৰ ব্যক্তিজনৰ সৈতে সামান্য কাজিয়াত লিপ্ত হৈছিল । ইয়াৰ পাছতেই বৃহস্পতিবাৰে যুৱকজনৰ মৃতদেহ বাগিচাৰ মাজত ৰহস্যজনকভাৱে উদ্ধাৰ হৈছে । ফলত হত্যা কৰাৰ অভিযোগ উত্থাপন কৰিছে পৰিয়ালে । ইতিমধ্যে ঘটনাস্থলীত সোণাৰি আৰক্ষীয উপস্থিত হৈ ঘটনা সন্দৰ্ভত তদন্ত আৰম্ভ কৰিছে । তদন্তৰ পিছত ঘটনাৰ প্ৰকৃত কাৰণ পোহৰলৈ আহিব যদিও এই ঘটনাই সোণাৰিত তীব্ৰ চাঞ্চল্য সৃষ্টি কৰিছে ।  

লগতে পঢ়ক:Dergaon Suicide Case: যুৱকৰ আত্মহত্যাৰ ঘটনা, ডি জি পিৰ নিৰ্দেশৰ পিছতেই গোলাঘাট আৰক্ষীৰ তৎপৰতা