Dead body recovered : মহানগৰীৰ চচলৰ চন্দন নগৰত মৃতদেহ উদ্ধাৰ - মহানগৰীত পুনৰ মৃতদেহ উদ্ধাৰ
গুৱাহাটী, ১৬ আগষ্ট : মহানগৰীত পুনৰ মৃতদেহ উদ্ধাৰ ৷ এইবাৰ চচলৰ চন্দন নগৰত উদ্ধাৰ হৈছে এটা মৃতদেহ ৷ ত্ৰিবেণী পথত থকা গৃহ নং ১৫৩ ত উদ্ধাৰ অৰ্ধগলিত মৃতদেহটো ৷ এটা ভাড়াতীয়া কোঠাত উদ্ধাৰ হৈছে মৃতদেহটো ৷
জানিব পৰা মতে মৃত লোকজনৰ নাম ননী গোপাল ৰয় ৷ লোকজনৰ ঘৰ ধুবুৰীৰ আগমনিত ৷ ইতিমধ্যে ঘটনাস্থলীত উপস্থিত হৈছে দিছপুৰ আৰক্ষী ৷ ৰহস্যজনক ভাবে কাপোৰৰ ৰচিত উলমি থকা অৱস্থাত উদ্ধাৰ হয় মৃতদেহটো ৷
তিনিদিন পূৰ্বে কোঠাটো ভাড়ালৈ লৈছিল লোকজনে ৷ দীৰ্ঘদিন ধৰি অঞ্চলটোত পানী যোগান ধৰা বাহন চলাই আছিল ননী গোপাল ৰয় নামৰ মৃত লোকজনে ৷ কোঠাটোৰ পৰা দুৰ্গন্ধ ওলোৱাত ঘৰৰ স্বত্বাধিকাৰীয়ে খবৰ দিয়ে আৰক্ষীক ৷ ঘৰটোৰ স্বত্বাধিকাৰীৰ নাম পংকিল পাটৰ ৷ প্ৰাথমিক অনুসন্ধাত ই এক আত্মহত্যা বুলি ধাৰণা কৰা হৈছে যদিও আৰক্ষীৰ তদন্তৰ পিছতহে পোহৰলৈ আহিব সবিশেষ ৷
লগতে পঢ়ক :Margherita Murder case: আধা কেজি ব্ৰয়লাৰৰ কাৰণে ককায়েকক হানি খুচি হত্যা ভায়েকৰ