Dead body recovered:কলগাছিয়াৰ বলাইপাথাৰ গাঁৱৰ বেকী নৈত অচিনাকী মহিলাৰ মৃতদেহ উদ্ধাৰ - অচিনাকি মহিলাৰ মৃতদেহ উদ্ধাৰ

কলগাছিয়া, 30 আগষ্ট : বৰপেটা জিলাৰ কলগাছিয়া আৰক্ষী থানাৰ অন্তৰ্গত বলাইপাথাৰ গাঁৱৰ বেকী নদীৰ পাৰত এগৰাকী অচিনাকি মহিলাৰ মৃতদেহ উদ্ধাৰ হোৱা ঘটনাই সমগ্ৰ অঞ্চলব্যাপী তীব্ৰ চাঞ্চল্যৰ সৃষ্টি কৰিছে । উল্লেখ্য যে, বুধবাৰে দুপৰীয়া ১২ বজাত স্থানীয় ৰাইজে বেকী নৈত ওপঙি থকা অৱস্থাত মৃতদেহটো প্ৰত্যক্ষ কৰে । লগে লগে কলগাছিয়া আৰক্ষী, কলগাছিয়া ৰাজহ চক্ৰৰ চক্ৰ বিষয়া আৰু স্থানীয় গাঁও প্ৰধানক খবৰ দিয়ে তেওঁ ৷

বাতৰি যুগুত কৰা পৰলৈকে মৃতদেহটো চিনাক্ত হোৱা নাই । কিন্তু মৃতদেহটোৰ গাত আঘাতৰ চিন স্পষ্ট । মহিলাগৰাকীক কোনোবাই হত্যা কৰি নদীত পেলাই দিয়াৰ সন্দেহ প্ৰকাশ কৰিছে প্ৰত্যক্ষদৰ্শীয়ে । ইতিমধ্যে ঘটনাস্থলীত কলগাছিয়া আৰক্ষী থানাৰ আৰক্ষীৰ দল এটা উপস্থিত হৈ মৃতদেহটো উদ্ধাৰ কৰিব বুলি জানিব পৰা গৈছে । এতিয়া মৃতদেহটো ক’ৰ পৰা কেনেকৈ ইয়ালৈ আহিলে সেয়া আৰক্ষীৰ তদন্ততহে ওলাই পৰিব । এই ঘটনাক কেন্দ্ৰ কৰি অঞ্চলজুৰি তীব্র চাঞ্চল্যৰ সৃষ্টি হৈছে ।

লগতে পঢ়ক :Decomposed deadbody recovered: পাগলাদিয়া নদীত উৱলি যোৱা মৃতদেহ উদ্ধাৰ