কলিয়াবৰৰ দুৰ্ঘটনাস্থলী পৰিদৰ্শন নগাঁও জিলা আয়ুক্তৰ - accident spot of kaliabor

কলিয়াবৰ, 12 জানুৱাৰী:কলিয়াবৰৰ ৰৌমাৰীত শেহতীয়াকৈ সংঘটিত হৈছে এক শোকাৱহ দুৰ্ঘটনা ৷ দুৰ্ঘটনাস্থলীত উপস্থিত হয় নগাঁও জিলাৰ আয়ুক্ত নৰেন্দ্ৰ কুমাৰ শ্বাহ । নগাঁও জিলাৰ আয়ুক্তগৰাকীয়ে আৰক্ষী, ৰাষ্ট্ৰীয় ঘাইপথ প্ৰাধিকৰণৰ পৰা ঘটনা সন্দৰ্ভত বুজ লয় ৷ দুৰ্ঘটনাৰ কাৰণ সন্দৰ্ভত এক চৰজমিন তদন্ত কৰি উপায়ুক্তগৰাকীয়ে অতি শীঘ্ৰে দুৰ্ঘটনা ৰোধৰ ব্যৱস্থা কৰা হ'ব বুলি সংবাদ মাধ্যমৰ সমুখত ঘোষণা কৰে । 

বাহনৰ তীব্ৰ গতিৰ বাবেই এই দুৰ্ঘটনাটো সংঘটিত হোৱাৰ সন্দেহ প্ৰকাশ কৰিছে আয়ুক্তগৰাকীয়ে । দুৰ্ঘটনাগ্ৰস্ত বাহনখনে প্ৰায় 100 মিটাৰ দূৰত্ব ভুল দিশেৰে চুঁচৰি আহি খাৱৈত পৰাৰ কথা নিশ্চিত কৰে আয়ুক্তগৰাকীয়ে । নগাঁও জিলা আৰক্ষী অধীক্ষকো উপস্থিত থাকে ঘটনাস্থলীত । 

আনহাতে, দুৰ্ঘটনাত মৃত্যু হোৱা যুৱককেইজনৰ ঘৰত শোকাকূল পৰিৱেশে বিৰাজ কৰিছে । কলিয়াবৰৰ মিছামুখত এতিয়া শোকৰ ছাঁ পৰিছে ।

লগতে পঢ়ক:দ খাৱৈত বাগৰিল মহিন্দ্ৰা বাহন, 3 গৰাকীৰ মৃত্যু