খোৱাং ক্রীড়া সন্থাৰ উদ্য়োগত ফুটবল প্রতিযোগিতা
Football competition in Khowang: ডিব্ৰুগড়ৰ খোৱাঙত দিবা-নৈশ ফুটবল প্রতিযোগিতা আৰম্ভ
Published : Sep 30, 2023, 1:40 PM IST
ডিব্ৰুগড়, ৩০ ছেপ্টেম্বৰ: গ্ৰাম্য অঞ্চলৰ ফুটবল প্ৰতিভা আগুৱাই অনাৰ লক্ষ্যৰে ডিব্ৰুগড়ৰ খোৱাং খলিহামাৰী নৱদ্বীপজ্যোতি যুৱ সংঘ উদ্যোগত, খোৱাং ক্রীড়া সন্থা আৰু বৰবিল অঞ্চলবাসী ৰাইজৰ সহযোগত অনুষ্ঠিত হৈছে দিবা-নৈশ ফুটবল প্রতিযোগিতা । খোৱাঙৰ বৰবিল উচ্চ মাধ্যমিক বিদ্যালয়ৰ খেলপথাৰত অনুষ্ঠিত ফুটবল প্ৰতিযোগিতাখন বৃহস্পতিবাৰে সন্ধিয়া আনুষ্ঠানিকভাৱে উদ্বোধন কৰে ডিব্ৰুগড় উন্নয়ন প্ৰাধিকৰণৰ অধ্যক্ষ অসীম হাজৰিকাই ।
উদ্বোধনী খেলখনত মুঠ ২২ টা দলে অংশগ্ৰহণ কৰে । ইয়াৰে জয়ী হোৱা ১১ টা দলে পৰৱৰ্তী ৰাউণ্ডত খেলাৰ সুযোগ পায় । ১ অক্টোবৰলৈকে চলিব লগীয়া দিবা-নৈশ ফুটবল প্ৰতিযোগিতাখনত মুঠ ৪০ টা দলে অংশগ্ৰহণ কৰিছে । বানে গৰকা অঞ্চলটোত অনুষ্ঠিত ফুটবল খেলখনৰ উদ্বোধনী নিশা যথেষ্ট সংখ্যক দৰ্শকে খেল উপভোগ কৰে ।