CRPF কেম্পৰ পৰা এগৰাকী CRPF জোৱান নিখোঁজ

শিলচৰ, 2 জানুৱাৰী : কাছাৰৰ উধাৰবন্ধ দয়াপুৰ CRPF কেম্পৰ পৰা নিখোঁজ এগৰাকী CRPF জোৱান । যোৱা 31 ডিচেম্বৰৰ পৰা কেম্পৰ পৰা ৰহস্যজনকভাৱে নিখোঁজ হৈ আছে জোৱানজন। নিখোঁজ হোৱা জনৰ নাম ৰাম সিং শ্যাম বুলি জানিব পৰা গৈছে ৷ জোৱানজনৰ ঘৰ ভূপালৰ নেহেৰুনগৰত ৷ 

জানিব পৰা মতে, দীৰ্ঘদিনৰ পৰা CRPF ৰ জোৱানজনে উধাৰবন্ধ দয়াপুৰ CRPF কেম্পত কৰ্মৰত আছিল । যোৱা 31 ডিচেম্বৰৰ সন্ধিয়া নিজ কোৱাৰ্টাৰত পত্নী আৰু সন্তানক থৈ দোকানলৈ যোৱাৰ উদ্দেশ্যে কেম্পৰপৰা ওলাই যায় জোৱানজন। তাৰ পিচৰ পৰা গোটেই নিশা জোৱানজন কেম্পলৈ উভতি নহাত পৰিয়ালটোত হাহাকাৰ পৰিস্থিতিৰ উদ্ভৱ হয় ৷ তাৰ পিচতে তেওঁলোকে কেম্প কৰ্তৃপক্ষক খবৰ দিয়ে ৷

পৰৱৰ্তী সময়ত দয়াপুৰ CRPF কেম্প কৰ্তৃপক্ষই উধাৰবন্ধ আৰক্ষী চকীত জোৱানজন নিখোঁজ হোৱা সংক্ৰান্তত এক গোচৰ ৰুজু কৰিছে । 

লগতে পঢ়ক:আজি ৰাষ্ট্ৰীয় উৎসাহ আৰু প্ৰেৰণা দিৱস; জানি লওক এই দিনটোৰ ইতিহাস তথা গুৰুত্ব