দুৰ্ঘটনাত পতিত ৰামেশ্বৰ তেলীৰ কনভয়
Road accident: দুৰ্ঘটনাত পতিত ৰামেশ্বৰ তেলীৰ কনভয়
Published : Nov 3, 2023, 4:16 PM IST
মৰিগাঁও,৩ নৱেম্বৰ:মৰিগাঁৱৰ জাগীৰোডত ভয়ংকৰ পথ দুৰ্ঘটনা । দুৰ্ঘটনাত পতিত কেন্দ্ৰীয় মন্ত্ৰী ৰামেশ্বৰ তেলীৰ কনভয় । গুৱাহাটীৰ পৰা কাজিৰঙা অভিমুখে গৈ থকা অৱস্থাত কেন্দ্ৰীয় মন্ত্ৰী ৰামেশ্বৰ তেলী কনভয় দূৰ্ঘটনাত পতিত হয় বুলি জানিবপৰা গৈছে । কথমপি প্ৰাণৰক্ষা পৰে মন্ত্ৰী তেলীৰ । দুৰ্ঘটনাত চালকসহ তিনিজনকৈ দেহৰক্ষী আহত হৈছে বুলি জানিবপৰা গৈছে ।
আহত দেহৰক্ষী কেইজনক মহাত্মা গান্ধী আদৰ্শ চিকিৎসালয়ত ততালিকে প্ৰদান কৰা হয় চিকিৎসা । আহত দেহৰক্ষী কেইজন 16 APBN ৰ পোণাৰাম দাস, ৰাতুল কুমাৰ ডেকা, গুণজিত বড়ো আৰু চালক কাচেম আলী বুলি চিনাক্ত কৰা হয় । আৰক্ষীৰ বেৰিকেডৰ বাবেই উক্ত দুৰ্ঘটনা সংঘটিত হোৱা বুলি প্ৰকাশ কৰে মন্ত্ৰীগৰাকীৰ কনভয়ৰ আন এগৰাকী চালকে ।