Durga Puja 2023: পূজা চাবলৈ অহা ব্যৱসায়ী দম্পতীক দুৰ্বৃত্তৰ মাৰপিট - ব্যৱসায়ী দম্পতীক দুৰ্বৃত্তৰ মাৰপিট

বিহপুৰীয়া, 23 অক্টোবৰ:দুৰ্গা পূজাৰ আনন্দ উল্লাসৰ মাজতে মহা অষ্টমীৰ নিশা লখিমপুৰ জিলাৰ বিহপুৰীয়া নগৰত সংঘটিত হয় এক ভয়ংকৰ কাণ্ড । পূজা চাবলৈ অহা ব্যৱসায়ী দম্পতীক মাৰপিট কৰে দুৰ্বৃত্তই । বিহপুৰীয়া নগৰৰ বাসিন্দা তথা ব্যৱসায়ী সঞ্জু ক্ষেত্ৰী আৰু তেওঁৰ পত্নীক প্ৰহাৰ কৰিলে উদণ্ড যুৱকে ৷ 

ইতিমধ্যে উদণ্ড তিনি যুৱকক নিশাই আটক কৰে বিহপুৰীয়া আৰক্ষীয়ে ৷ জানিব পৰা অনুসৰি সঞ্জু ক্ষেত্ৰী নামৰ ব্যৱসায়ীজন আৰু তেওঁৰ পৰিবাৰ পূজা চাবৰ বাবে বিহপুৰীয়া নগৰৰ ৰাজপথৰ কাষেৰে গৈ থকাৰ অৱস্থাত এখন গাড়ী পাৰ্কিং কৰাৰ সুবিধাৰে তেওঁলোকৰ গাৰ কাষলৈ চপাই দিয়াত ব্যৱসায়ীগৰাকী আৰু গাড়ীত অহা যুৱকৰ দলটোৰ মাজত তীব্ৰ বাক বিতণ্ডাৰ সৃষ্টি হয় । ইয়াৰ পিচতে যুৱকৰ দলটোৱে প্ৰহাৰ কৰে ব্যৱসায়ী দম্পতীটোক ৷ 

তাৰ পিচতে, নিশাই বিহপুৰীয়া আৰক্ষীয়ে নাৰায়ণপুৰ জৰাবাৰী গোসাঁইবাৰীৰ পুলক শইকীয়া, অনুপম শইকীয়া আৰু অপূৰ্ব শইকীয়া নামৰ তিনি দুৰ্বৃত্তক আটক কৰে ৷

লগতে পঢ়ক:Durga Puja 2023: টিংখাঙত পূজা মণ্ডপে মণ্ডপে সাংস্কৃতিক মন্ত্ৰী বিমল বড়া