Cotton Student hooliganism: বিজেপি নেতাক প্ৰহাৰ কটনৰ হোষ্টেলৰ ছাত্ৰৰ
গুৱাহাটী, ৪ মাৰ্চ: কটনত ছাত্ৰৰ গুণ্ডাগিৰি (Cotton Student hooliganism)। নিশা হ’লেই গুণ্ডাগিৰিত নামি পৰে একাংশ হোষ্টেলৰ আৱাসী । নিশা বিজেপি নেতাক আক্ৰমণ কৰে কটন বিশ্ববিদ্যালয়ৰ হোষ্টেলৰ ছাত্ৰই। গুৱাহাটী মহানগৰ জিলা সম্পাদক বিজয় পাঠকক আক্ৰমণ কৰে উদণ্ড ছাত্ৰই (Cotton Students beaten BJP Leader )। গুৱাহাটী ৰে'ল ষ্টেচনৰ সমীপৰ কালিবাৰীত শুকুৰবাৰে নিশা সংঘটিত হয় এই ঘটনা ।
ঘটনা অনুসৰি নিশা প্ৰায় ১২ মান বজাত বিজয় পাঠক খোজকাঢ়ি গৈ থকা অৱস্থাত বাইকেৰে অহা তিনি ছাত্ৰৰ বাইকখন পাঠকৰ ভৰিত লাগি যায়। সেই কথাত প্ৰতিবাদ কৰাত বিজয়ক ছাত্ৰকেইজনে প্ৰহাৰ কৰে । এই আক্ৰমণত ১৭ টা চিলাই পৰে বিজয়ৰ শৰীৰত ৷ প্ৰহাৰত প্ৰচুৰ ৰক্তক্ষৰণো হৈছে নেতাগৰাকীৰ।
উল্লেখ্য যে শেহতীয়াকৈ বিজয় পাঠকৰ বাহিৰেও ৰে’লৱে ষ্টেচনৰ এজন বিষয়াক আক্ৰমণ কৰিছিল কটনৰ ছাত্ৰই । দ্বীপজ্যোতি দাস নামৰ এজন লোক আক্ৰমণৰ বলি হৈছিল ।
সম্প্ৰতি বিজেপি নেতাজনে পানবজাৰ থানাত এজাহাৰ দাখিল কৰিছে ৷ ইয়াৰ পিচতে পানবজাৰ আৰক্ষীয়ে কটন বিশ্ববিদ্যালয়ৰ পৰা ঘটনাৰ লগত জড়িত থকাৰ সন্দেহত তিনি ছাত্ৰক আটক কৰে । ধৃত ছাত্ৰকেইজন হৈছে এম এন ডি পি হোষ্টেলৰ মৃগাংক কাশ্যপ, মানস কমল দাস আৰু ঋষিকেশ দাস ষষ্ঠ ষান্মাসিকৰ ছাত্ৰ তিনি ছাত্ৰ ।
লগতে পঢ়ক:Orunodoi Scheme Scam: অৰুণোদয় আঁচনিক কেন্দ্ৰ কৰি দেৰগাঁৱত উত্তপ্ত পৰিস্থিতি