কুঁৱৰীটোল উচ্চতৰ মাধ্যমিক বিদ্যালয়ৰ সাংস্কৃতিক শোভাযাত্ৰা

কলিয়াবৰ, 26 নৱেম্বৰ : কলিয়াবৰৰ দ্বিতীয়খন পুৰণি শিক্ষানুষ্ঠান পূৰ্বৰ উচ্চ মাধ্যমিক বিদ্যালয় আৰু বৰ্তমানৰ উচ্চতৰ মাধ্যমিক বিদ্যালয় কুঁৱৰীটোল উচ্চতৰ মাধ্যমিক বিদ্যালয়খনিয়ে ইতিমধ্যে অতিক্ৰম কৰিলে গৌৰৱোজ্জ্বল 75 টা বছৰ । প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত, প্ৰাক্তন মন্ত্ৰী গুণীন হাজৰিকা, মন্ত্ৰী কেশৱ মহন্তৰ লগতে বহু ৰাজনৈতিক ব্যক্তিৰ লগতে বহু পুৰোধা ব্যক্তিয়ে এই বিদ্যালয়খনতে গ্ৰহণ কৰিছিল স্কুলীয়া শিক্ষা ।

75 টা বছৰ গৰকাৰ সময়ত প্ৰাক্তন ছাত্ৰ-ছাত্ৰীৰ সতীৰ্থ সন্মিলন অনুষ্ঠানৰে জীপাল হৈ পৰিল বিদ্যালয় চৌহদ । মন্ত্ৰী কেশৱ মহন্তই শৈশৱৰ অতীত স্মৃতি ৰোমন্থন কৰি নষ্টালজিক হৈ পৰা দেখিবলৈ পোৱা যায় । প্ৰায় 1000 ন-পুৰণি ছাত্ৰ-ছাত্ৰীয়ে অংশগ্ৰহণ কৰে এই অনুষ্ঠানত ।

দেওবাৰে বিশাল সাংস্কৃতিক শোভাযাত্ৰাৰে আৰম্ভ হয় তৃতীয় তথা অন্তিম দিনাৰ কাৰ্যসূচীৰ । শিক্ষামন্ত্ৰী ৰণোজ পেগুৰ লগতে বহুকেইগৰাকী বিশিষ্ট ব্যক্তিয়ে শেষৰ দিনটোৰ মুকলি সভাত অংশগ্ৰহণ কৰিব ।

লগতে পঢ়ক:লোকসভালৈ অগপৰ সাংসদ নিৰ্বাচিত হোৱাটো নিশ্চিত বুলি দাবী কেশৱ মহন্তৰ