মুখ্যমন্ত্ৰীৰ দুৰ্নীতি নিবাৰক শাখাৰই অভিযান
CM vigilance arrested Lat Mondol: মুখ্যমন্ত্ৰীৰ দুৰ্নীতি নিবাৰক শাখাৰ জালত লাট মণ্ডল - CM vigilance arrested Lat Mondol
নাজিৰা, ১৪ জুন: ৰাজ্যৰ বিভিন্ন প্ৰান্তত দুৰ্নীতিৰ বিৰুদ্ধে অভিযান চলি থকাৰ সময়তে শিৱসাগৰ জিলাৰ নাজিৰা ৰাজহচক্ৰ বিষয়া কাৰ্যালয়ত বুধবাৰে মুখ্যমন্ত্ৰীৰ দুৰ্নীতি নিবাৰক শাখাৰই অভিযান চলাই কাৰ্যালয়ৰ এজন লাটমণ্ডলক গ্ৰেপ্তাৰ কৰে । নাজিৰা মহকুমাৰ গেলেকী দেওপানী অঞ্চলৰ ৰমিজুদ্দিন আহমেদ নামৰ এজন ব্যক্তিৰ অভিযোগ ভিত্তিত উৎকোচ লোৱাৰ সময়তে দুৰ্নীতি নিবাৰক শাখাৰ জালত পৰে নাজিৰা ৰাজহ চক্ৰৰ লাট মণ্ডল দিগন্ত বৰুৱা ।
ট্ৰেচ মেপ আৰু দাগ নম্বৰৰ প্ৰমাণ পত্ৰ প্ৰদানৰ নামত লোকজনৰ পৰা পাঁচ হাজাৰ টকাৰ উৎকোচ লৈছিল লাট মণ্ডলজনে । ইয়াৰ পূৰ্বেও এইজন লাটমণ্ডলে বিভিন্ন কামত উৎকোচ লোৱাৰ অভিযোগ উত্থাপন কৰিছে ৰমিজউদ্দিন আহমেদ নামৰ লোকজনে ।
লগতে পঢ়ক:Morigaon CM vigillance: উৎকোচ লৈ থকাৰ সময়তে হাতে-লোটে গ্ৰেপ্তাৰ লাটমণ্ডলক