Himanta Biswa Sarma in Nalbari : নলবাৰীৰ বিহামপুৰ বাৰোৱাৰী দুৰ্গা পূজাত বন্তি প্ৰজ্বলন মুখ্যমন্ত্ৰীৰ

নলবাৰী, ১৯ অক্টোবৰ: বৃহস্পতিবাৰে নলবাৰীৰ বিহামপুৰত উপস্থিত হয় মুখ্যমন্ত্ৰী ড৹ হিমন্ত বিশ্ব শৰ্মা । বিহামপুৰত উপস্থিত হৈ মুখ্যমন্ত্ৰীগৰাকীয়ে বিহামপুৰ বাৰোৱাৰী ৯২ সংখ্যক শ্ৰীশ্ৰী দুৰ্গা পূজা মহোৎসৱত বন্তি প্ৰজ্বলন কৰে ৷ উল্লেখ্য যে, আজিৰে পৰা ছয়দিনীয়া বৰ্ণাঢ্য কাৰ্যসূচীৰে আৰম্ভ ৯২ সংখ্যক বিহামপুৰ বাৰোৱাৰী দুৰ্গা পূজা আৰম্ভ হৈছে । আজি প্ৰথমটো দিনতে পূজাস্থলীত উপস্থিত হৈ মুখ্যমন্ত্ৰী ড৹ হিমন্ত বিশ্ব শৰ্মাই  বন্তি প্ৰজ্বলন কৰে । উল্লেখ্য যে ধমধমাৰ পৰা পোনে পোনে বিহামপুৰ বাৰোৱাৰী দুৰ্গা পূজাস্থলীত উপস্থিত হয় মুখ্যমন্ত্ৰীগৰাকী । ইয়াৰ পাছতে বিল্লেশ্বৰ মন্দিৰলৈ যায় মুখ্য মন্ত্ৰীগৰাকী ৷ আনহাতে মুখ্যমন্ত্ৰীক সংগ দিয়ে মন্ত্ৰী চন্দ্ৰমোহন পাটোৱাৰী আৰু জয়ন্ত মল্ল বৰুৱাই । ইফালে পূজাৰ পৰিকল্পনাৰ প্ৰসংগত সাংবাদিকে মুখ্যমন্ত্ৰীগৰাকীক সোধা প্ৰশ্নোত্তৰত কয় যে সপ্তমীৰ দিনটোত তেওঁ হাইলাকান্দি, অষ্টমীৰ দিনটোত হোজাই আৰু লামডিঙত, নৱমীৰ দিনটোত সমষ্টিত পূজা চাব ৷

লগতে পঢ়ক:Assam CM Attacks Sonia Gandhi; ছোনিয়া গান্ধী ইটালীলৈ যাব লাগে, কাৰণ কেজৰিৱালে দিল্লীত প্ৰদূষণৰ সৃষ্টি কৰিছে : মুখ্যমন্ত্ৰী