Dalgaon Accident: দলগাঁৱত পথ দুৰ্ঘটনাত থিতাতে নিহত অষ্টম শ্ৰেণীৰ ছাত্ৰী
দলগাঁও, ১৯ আগষ্ট : যেন মৰণফান্দত পৰিণত হৈছে দৰঙৰ ১৫ নং ৰাষ্ট্ৰীয় ঘাইপথ । সঘনাই সংঘটিত হৈছে এটাৰ পিচত আন এটা দুৰ্ঘটনা ৷ শনিবাৰে দলগাঁৱৰ বেছিমাৰীত ১৫ নং ৰাষ্ট্ৰীয় ঘাইপথত সংঘটিত হয় এক ভয়ংকৰ দুৰ্ঘটনা । আল্ট্ৰা বাহনৰ খুন্দাত থিতাতে নিহত হয় এগৰাকী স্কুলীয়া ছাত্ৰী । বেচিমাৰী শংকৰদেৱ জাতীয় বিদ্যালয়ৰ ছাত্ৰী মামণি পাৰবিন বিদ্যালয়ৰ পৰা উভতি আহি থাকোঁতেই আলট্ৰা বাহনে মহতিয়াই নিয়ে ছাত্ৰী গৰাকীক ৷
অষ্টম শ্ৰেণীত অধ্যয়নৰত আছিল নিহত ছাত্ৰী মামণি পাৰবিন । দুৰ্ঘটনাৰ পিচতে এক উওপ্ত পৰিস্থিতিৰ সৃষ্টি হয় ৰাষ্ট্ৰীয় ঘাইপথত । উত্তেজিত সহস্ৰাধিক ৰাইজৰ লগতে শিক্ষাৰ্থীসকলে ১৫ নং ৰাষ্ট্ৰীয় ঘাইপথ অৱৰোধ কৰি ন্যায় বিচাৰি বিভিন্ন শ্ল’গানেৰে পৰিৱেশ উত্তাল কৰি তোলে । ঘটনাস্থলীত দলগাঁও ৰাজহ চক্ৰৰ চক্ৰ বিষয়া আৰু আৰক্ষী দল উপস্থিত হৈ পৰিস্থিতি নিয়ন্ত্ৰণলৈ আনে ।
লগতে পঢ়ক :Nalbari Road Accident: নলবাৰীৰ ৩১ নং ৰাষ্ট্ৰীয় ঘাইপথত ভয়ংকৰ দুৰ্ঘটনা