Chain snatching incident: পিষ্টল দেখুৱাই মহিলাৰ ডিঙিৰ পৰা চোৰে কাঢ়িলে সোণৰ চেইন - মহিলাৰ ডিঙিৰ পৰা চোৰে কাঢ়িলে সোণৰ চেইন

গুৱাহাটী, 9 অক্টোবৰ : মহানগৰীত পুনৰ চিলনী চোৰৰ সন্ত্ৰাস। পিষ্টল দেখুৱাই মহিলাৰ ডিঙিৰ পৰা চোৰে কাঢ়ি লৈ গ’ল সোণৰ চেইন। মহানগৰীৰ ৰাজগড়ৰ 12 নম্বৰ উপপথৰ কুণ্ডিল নগৰত সংঘটিত হৈছে এই ঘটনা। ভুক্তভোগী মহিলাগৰাকী গুৱাহাটী উচ্চ ন্যায়ালয়ৰ অধিবক্তা মমিতা বৰা । বাইকত অহা দুটা দুৰ্বৃত্তই এই ঘটনা সংঘটিত কৰে ৷ 

ঘটনাৰ বিৱৰণী অনুসৰি, মহিলাগৰাকীয়ে প্ৰতিদিনৰ দৰেই সোমবাৰে পুৱা প্ৰায় 5.20 বজাত প্ৰাতঃভ্ৰমণলৈ ওলাই গৈছিল ৷ প্ৰাতঃভ্ৰমণৰ পৰা ঘৰলৈ উভতি আহি ঘৰৰ সন্মুখ পাওঁতেই সংঘটিত হয় ঘটনাটো । প্ৰায় ৩ মিনিট দুৰ্বৃত্তৰে অকলে যুঁজে ভুক্তভোগীগৰাকীয়ে ৷ তাৰ পিচতেই হস্তনিৰ্মিত পিষ্টলটো পকেটৰ পৰা উলিয়াই মহিলাগৰাকী ভয় দেখুৱাই সোণৰ চেইনডাল লৈ উধাও হয় দুৰ্বৃত্তৰ দুজনীয়া দলটো। মহিলাগৰাকীৰ ভাষ্য অনুসৰি বহু সময় ধৰি মহিলাগৰাকীক অনুসৰণ কৰি আছিল দুৰ্বৃত্ত দুটাই ৷ 

লগতে পঢ়ক:Theft incident: চুৰি কৰি ধৰা পৰিল গোপাল; ঘৰত চুৰি কৰা বহু সামগ্ৰী ওলাল